PTI Ticket Hold Cut off the hands of Poor Young Employee

انسان نے ہی انسانیت کو شرمادیا، بغیر اجرت مزدوری سے انکارپر پی ٹی آئی کے ٹکٹ ہولڈ رنے غریب نوجوان کے دونوں ہاتھ کاٹ ڈالے

PTI Ticket Hold Cut off the hands of Poor Young Employee

انسان نے ہی انسانیت کو شرمادیا، پی ٹی آئی کے شکست خوردہ ٹکٹ ہولڈر نے مفت مزدوری کرنے سے انکار پر 16سالہ غریب نوجوان کے دونوں ہاتھ کاٹ دیئے اور تین ماہ تک قید کیے رکھا، بیٹے کو ملنے جانیوالے باپ کو بھی باندھ لیا لیکن موقع پا کر دونوں فرار ہونے میں کامیاب ہوگئے تاہم بااثر ملزمان کے ڈر کی وجہ سے پولیس کو رپورٹ کرنے سے بھی گریزاں ہیں ، ڈی پی او شیخوپورہ نے قانونی کارروائی کیلئے پولیس پارٹی متاثرین کے گھر بھجوادی ۔
دنیا نیوز کے مطابق حافظ آباد کے نواحی گاﺅں بچھوکی کے سابق یوسی ناظم اور پی ٹی آئی کے شکست خوردہ امیدوار برائے یوسی چیئرمین رانااسرار کے ہاں مانانوالہ کے رہائشی ابوبکر نے بغیر اجرت کام کرنے سے انکار کردیا اور چھوڑ کر گھر آگیا، ملزمان زبردستی ابوبکر کو اپنے ساتھ لے گئے لیکن کچھ عرصہ معاملہ افہام و تفہیم سے چلنے کے بعد ایک مرتبہ پھر ابوبکر نے کام سے انکار کیا تو رانا اسرار اور اس کے ساتھی آپے سے باہر ہوگئے اور انا کا مسئلہ بنا کر ابوبکر کے دونوں ہاتھ چارے والی مشین میں ڈال کرکاٹ ڈالے تاکہ یہاں نہیں تو پھر کہیں بھی کام کے قابل نہ رہے ۔ ابوبکر کے دونوں ہاتھوں سے محروم ہوجانے کے بعد نجی کلینک اور ڈاکٹر کو ڈیرے پر بلایاجاتارہاجہاں مرہم پٹی ہوتی رہی ، کچھ عرصہ بعد جب ابوبکر کا والد صدیق ملنے گیاتو معاملہ سامنے آیا، ملزمان نے دونوں کو ہی قید کرلیا تاہم موقع پر دونوں فرار ہوکر اپنے گاﺅں پہنچ گئے ۔ صدیق نے وزیراعلیٰ پنجاب اور وزیراعظم سے اپیل کی ہے کہ ان کی داد رسی کی جائے ۔
رپورٹ کے مطابق ملزمان کے خوف کی وجہ سے متاثرین کہیں بھی نہیں جاپارہے کہ کسی قانونی کارروائی کی کوشش میں جان ہی نہ چلی جائے کیونکہ پہلے بھی وہ مانانوالہ سے ہی اٹھا کر لے جاچکے ہیں ۔ ڈی پی او شیخوپورہ سہیل احمد چٹھہ نے بتایاکہ تاحال کوئی قانونی کارروائی عمل میں نہیں لائی جاسکی تاہم پولیس کی ٹیم متاثرہ فیملی کے گھر بھجوادی ہے ۔
بعدزاں وزیراعلیٰ پنجاب نے اس خبر کا نوٹس لیتے ہوئے متعلقہ حکام کو قانون کے مطابق ضروری کارروائی عمل میں لانے کی ہدایت کردی ۔

بڑے عرب ملک سے غیر ملکی ملازمین کیلئے شاندار خوشخبری آگئی، بڑی پابندی اُٹھالی گئی

دبئی( مانیٹرنگ ڈیسک) دبئی میں کام کرنے والے تارکین وطن کے لیے خوشخبری ہے کہ اب انہیں ایک ملازمت دہندہ کی ملازمت چھوڑنے کے بعد دوسری نوکری شروع کرنے کے لیے 6ماہ کا انتظار نہیں کرنا پڑے گا۔ اس سے قبل دبئی میں ایک قانون تھا جس کے تحت تارکین وطن پر پہلی نوکری چھوڑنے کی صورت میں 6ماہ کے لیے پابندی عائد ہو جاتی تھی اور وہ 6ماہ کے بعد ہی دوسری نوکری حاصل کر پاتے تھے۔ مگر اب متحدہ عرب امارات کی وزارت محنت نے اس قانون میں ترمیم کر دی ہے۔ جس کے تحت اگر کوئی غیرملکی شخص ملازمت دہندہ کی رضامندی کے ساتھ پہلی نوکری چھوڑتا ہے تو اسے فوری طور پر دوسری نوکری کی اجازت ہو گی۔ یہ قانون جنوری 2016ء سے نافذ العمل ہو گا۔

عربی اخبار ’’البیان‘‘ کی رپورٹ کے مطابق سابق قانون کے تحت تارکین وطن کے لیے پہلے ملازمت دہندہ کے ہاں کم از کم 2سال تک نوکری کرنا بھی لازمی تھا۔ اگر کوئی شخص 2سال پورے ہونے سے پہلے ہی نوکری چھوڑ دیتا تو اسے متحدہ عرب امارات میں دوبارہ نوکری نہیں دی جاتی تھی۔ نئے قانون میں اس پابندی کا بھی خاتمہ کر دیا گیا ہے۔تاہم وزارت محنت کی طرف سے وضاحت کی گئی ہے کہ درجہ چہارم اور پنجم کے ملازمین اگر پہلی نوکری 6ماہ تک نہیں کرتے تو ان پر یہ پابندی برقرار رہے گی۔ اگر وہ 6ماہ کے بعد پہلی نوکری چھوڑتے ہیں تو انہیں بھی فوری طور پر دوسری نوکری حاصل کرنے کی اجازت ہو گی۔ وزارت محنت کے اسسٹنٹ انڈر سیکرٹری حمید راشد بن دیماس الصویدی کا کہنا تھا کہ جو ملازم اپنے پہلے ملازمت دہندہ کے ساتھ کیا گیا معاہدہ باہمی رضامندی سے منسوخ کرتے ہیں وہ اب فوری طور پر نئی نوکری حاصل کر سکیں گے۔نئے قانون کے تحت تارکین وطن کو فوری طور پر نئے ورک پرمٹ جاری کر دیئے جائیں گے۔

بھارتی وزیراعظم نریندرمودی کو مختصر دورہ پاکستان کے موقع پر کیا پیش کیا گیا

وزیراعظم نوازشریف تو ویسے ہی کھانوں کے کافی شوقین ہیں اور یہ کیسے ہو سکتاہے کہ وہ بھارتی وزیراعظم کے سرپرائز دورے پر ان کے پسندیدہ اور لذیز کھانوں سے تواضع نہ کرتے ،بھارتی میڈیا نے اس حوالے سے کہاہے کہ نریندر مودی کو ان کے مختصر دورہ پاکستان پر ان کے پسندیدہ کھانا بھی پیش کیا گیا ۔

تفصیلات کے مطابق بھارتی اخبار ’ٹائمز آف انڈیا ‘کا کہناہے کہ وزیراعظم نوازشریف نے بھارتی وزیراعظم نریندرمودی کے کی آمد پر دیگر لذیز کھانوں کے ساتھ ساتھ مودی کو انتہائی دلعزیز اور پسندیدہ ’ساگ ‘بھی پیش کیا گیا۔بھارتی اخبار نے جاتی امراءکے ذرائع کے حوالے سے کہاہے کہ کھانے میں ،ساگ،دال،سبزیاں دیسی گھی کے تڑکے ساتھ بنائی گئیں جبکہ سردی کے موسم کا خیال رکھتے ہوئے کشمیری چائے بھی پیش کی گئی۔مودی کے ہمراہ صرف 11لوگوں کو ہی ویزافراہم کیا گیا جبکہ باقی 100افراد پر مشتمل وفد کو لاہور ایئرپورٹ پر ہی ٹھہرایا گیا اور ان کیلئے ایئرپورٹ پر ہی کھانے کا انتظام کیا گیا ۔

پاکستان کے وہ 7’آسیب زدہ‘ مقامات جن کے بارے میں مشہور کہانیاں سن کر کسی کے بھی رونگٹے کھڑے ہوجائیں

یوں تو پاکستان میں ہزاروں ایسے مقامات ہوں گے جنہیں آسیب زدہ کہا جاتا ہے لیکن ان سب میں سے 7مقامات ایسے آسیب زدہ ہیں جن کے متعلق خوفناک کہانیاں مشہور ہیں اور لوگ رات کے وقت ان مقامات پر جانے سے ڈرتے ہیں۔ آئیے آپ کو ان سات مقامات کے متعلق آگاہ کرتے ہیں۔
کارساز روڈ کراچی
کارساز روڈ کراچی کی معروف ترین سڑکوں میں شمار ہوتی ہے۔ اس سڑک کے بارے میں قدیم وقتوں سے آج تک ایک کہانی بیان کی جاتی ہے کہ اکثر اس روڈ پر ایک پراسرار لڑکی کو دیکھا جاتا ہے جو دلہن بنی ہوئی ہوتی ہے اور اس نے سرخ لباس پہن رکھا ہوتا ہے۔لوگوں کا کہناہے 60 کی دہائی میں یہ خاتون ایک ڈانسر تھی جسے قتل کر کے اس کی لاش کو اس سڑک پر چھوڑ دیا گیا جو کہ کارساز کے نام سے مشہور ہے۔جو کہ یہاں سے گزرنے والوں کو مدد کیلئے رکنے کو کہتی ہے اور اچانک غائب ہو جاتی ہے جبکہ اکثر لوگ اسے یہاں رات کے وقت بھٹکتے ہوئے دیکھ چکے ہیں

موہٹہ پیلیس

موہٹہ پیلیس ایک کاروباری شخصیت کا گھر تھا جہاں وہ گرمیوں میں قیام کرتا تھا۔برطانوی راج کے دوران ہی اس شخصیت کا انتقال ہو گیا تھا۔ کہا جاتا ہے کہ تب سے اس کی روح اکثر اس پیلیس میں آتی رہتی ہے۔ یہاں سیاحوں کی رہنمائی کرنے والے گائیڈز کا مبینہ طور پر کہنا ہے کہ اس پیلیس میں مختلف چیزیں خود بخود ایک جگہ سے دوسری جگہ منتقل ہوتی رہتی ہیں۔پیلیس کے گارڈز کا دعویٰ ہے کہ انہیں رات کے وقت پیلیس میں کسی روح کی موجودگی کا احساس ہوتا ہے۔

کوہ چلتن
کوہ ”چلتن“ کا اصل نام ”چہل تن“ ہے جس کے معنی ”چالیس جسم“ کے ہیں۔ایک مقامی داستان کے مطابق کوہ چلتن کے چوٹی پر 40بچوں کی روحیں رہتی ہیں۔

ہاﺅس نمبر 39کے، پی ای سی ایچ ایس کالونی، کراچی
اگر آپ کبھی پی ای سی ایچ ایس کے بلاک 6کی گلیوں میں گھومتے رہے ہوں تو آپ نے دیکھا ہو گا کہ وہاں کے ہاﺅس نمبر 39Kسے پراسرار روشنی آ رہی ہوتی ہے۔ اس کا مطلب ہے کہ وہاں کوئی رہائش پذیر ہے، حالانکہ یہ گھر کئی عشروں سے بند پڑا ہے۔ کئی لوگوں کا کہنا ہے کہ انہوں نے اس گھر میں سفید لباس پہنے ہوئے ایک کمزور سی خاتون کو اکثر دیکھا ہے جو رات کے پچھلے پہر گلی میں چلتی نظر آتی ہے مگر صبح 3بجے کے قریب غائب ہو جاتی ہے۔

شیخوپورہ قلعہ، لاہور
ایک وقت تھا کہ اس قلعے میں ملکہ اور شہزادیاں رہا کرتی تھیں۔ اب یہ قلعہ ٹوٹ پھوٹ کا شکار ہے اور کوئی اس کی تعمیرنو کرنے کو تیار نہیں کیونکہ ان لوگوں کا خیال ہے کہ قلعے میں اب بھی ان ملکہ اور شہزادیوں کی روحیں آتی رہتی ہیں۔

شمشان گھاٹ، حیدرآباد
حیدرآباد میں واقع شمشان گھاٹ، جہاں ہندو اپنے انتقال کر جانے والے لوگوں کی چتائیں جلاتے ہیں، اس کے بارے میں دعویٰ کیا جاتا ہے کہ جن لوگوں کو یہاں جلایا جاتا رہا ہے ان میں سے بعض کی روحیں اب بھی یہیں بھٹکتی پھر رہی ہیں۔ یہ شمشان گھاٹ تقریباً اڑھائی سو سال پرانی ہے۔ شمشان گھاٹ کے گارڈ اور دیگر سٹاف کا کہنا ہے کہ غروب آفتاب کے بعد اکثر یہاں کئی بچے کھیلنے کے لیے آتے ہیں اور عجیب و غریب قسم کی آوازیں نکالتے ہیں۔ان میں سے کسی کو بھی کبھی گیٹ سے آتے ہوئے نہیں دیکھا گیا۔ بچے جہاں کھیلتے ہیں وہیں نمودار ہوتے ہیں اور پھر وہیں غائب ہو جاتے ہیں۔

چوکنڈی قبرستان ، کراچی
چوکنڈی قبرستان کراچی میں نیشنل ہائی وے کے کنارے موجود ہے۔ یہ لگ بھگ 600سال پرانا ہے اور اس کا شمار پاکستان کے قدیم ترین قبرستانوں میں ہوتا ہے۔ اس کے متعلق کہا جاتا ہے یہاں آسیب کا سایہ ہے اور روحیں اکثر یہاں بھٹکتی رہتی ہیں۔ اس لیے کوئی بھی شخص شام کے بعد اس قبرستان میں جانے کی جرا¿ت نہیں کرتا۔ کئی لوگوں کا کہنا ہے کہ انہوں نے رات کے اوقات میں یہاں پراسرار کام ہوتے رہتے ہیں۔ قریب رہنے والے لوگوں کا کہنا ہے کہ انہیں اکثر رات کے وقت قبرستان سے لوگوں کے چیخنے چلانے کی آوازیں آتی ہیں اور کئی لوگوں نے یہاںبھوت دیکھ بھی رکھے ہیں۔

http://newsadiction.blogspot.com/2015/12/celebrity-plastic-surgery-gone-worst.html

Brave Kashmiri - Unknown scarifies

History of Kashmir and Kashmiri Sacrifices , where in 1931 , Dogra Raj Killed 22 innocent Kashmiris just raising the name of Allah for Azan at Namaz e Zhoar .

CELEBRITY PLASTIC SURGERY GONE WORST

Donatella Versace

Donatella Versace is an Italian fashion designer and current Vice President of the Versace Group, as well as its chief designer. She owns a 20% share of the business. During the 1980s, Donatella’s brother, Gianni Versace, launched a perfume dedicated to her, Blonde, and gave her his own diffusion label, Versus.

Priscilla Presley

Priscilla Ann Presley is an American actress and business magnet . She is the former wife of singer Elvis Presley as well as co-founder and former chairwoman of Elvis Presley Enterprises (EPE), the company that turned Graceland into one of the top tourist attractions in the United States.

Pamela Anderson

Pamela Denise Anderson is a Canadian-American actress. In addition to her acting career, she is also a model, producer, author, activist and a former show girl , known for her roles on the television series Baywatch and V.I.P..

سعودی عرب کو سب سے خطرناک دھمکی مل گئی، جنگ کا واضح اعلان ہوگیا

Saudi Arabia Got the most dangerous threat , War Is Declared

مغربی ممالک کو داعش کی طرف سے حملوں کی دھمکیاں ملنا تو معمول بنا چکا تھا مگر اب ایک ملک کے خلاف داعش نے باقاعدہ جنگ کا اعلان کر دیا ہے اور یہ کوئی غیرمسلم ملک نہیں بلکہ سعودی عرب ہے۔ سعودی عرب نے حال ہی میں داعش کے خلاف لڑنے کے لیے 34مسلم ممالک پر مشتمل اتحاد بنایا ہے جس کے جواب میں داعش نے ایک ویڈیو جاری کی ہے۔ ویڈیو میں سعودی عرب کومسلم ممالک کا اتحاد بنانے اور مغربی اتحاد کے ساتھ تعاون کرنے پر سنگین نتائج کی دھمکیاں دی گئی ہیں۔ داعش کے شدت پسندوں نے ویڈیو کے آخر میں ایک شخص کا سرقلم کرنے کا منظر بھی دکھایا ہے اور کہا ہے کہ جو بھی مغربی ممالک کے ساتھ تعاون کرے گا اس کا یہی انجام ہو گا۔ جس شخص کا سر قلم کیا گیا اس کے بارے میں ویڈیو میں بتایا گیا ہے کہ یہ شخص سعودی عرب کا حامی تھا۔

Brave Kashmiri - Unknown scarifies

سعودی عرب نے داعش کے خلاف لڑنے کے لیے جن ممالک کا اتحاد بنایا ہے ان میں مصر، قطر، متحدہ عرب امارات، ترکی، ملائیشیا اور پاکستان سمیت دیگر مسلم ممالک شامل ہیں اور وائی نیٹ نیوز ڈاٹ کام کی رپورٹ کے مطابق اس اتحاد کو امریکہ کی حمایت حاصل ہے اور یہ مغربی خفیہ ایجنسیوں کے ساتھ معلومات کا تبادلہ بھی کرے گا۔ویڈیو پر ردعمل کا اظہار کرتے ہوئے سعودی وزیرخارجہ عادل الالجبیر کا کہنا تھا کہ ”ہم نے جو کیا وہ سب کے مشورے سے کیا ۔“ جب ان سے سوال کیا گیا کہ اسلامی اتحادی ممالک داعش کے خلاف لڑنے کے لیے شام اور عراق میں اپنی فوجیں اتاریں گے؟ تو انہوں نے جواب دیا کہ ”اگر وہاں سے ہمیں فوج بھیجنے کی درخواست کی گئی تو ہم بھیجیں گے۔“انہوں نے کہا کہ ” شام اور عراق میں فوج بھیجنے کا دارومدار تمام اسلامی اتحادی ممالک کی رضامندی اور شام کی صورتحال پر ہے۔ واضح رہے کہ سعودی عرب کی قیادت میں قائم ہونے والے اتحاد میں ایران شامل نہیں ہے۔

عمران خان نے میانوالی کے شہریوں کو دھمکی دیدی،زمین دے دیں ورنہ سیکشن 4لگا کرلے لیں گے :چیئرمین پی ٹی آئی ، عطیہ دیا، اب رہنے کو بھی جگہ نہیں: سیلوبرادری
Imran Khan, Threatened Mianwali Citizens

پاکستان تحریک انصاف کے چیئرمین عمران خان نے رکھی کی مقامی سیلوبرادری کو دھمکی دی ہے کہ نمل کالج یونیورسٹی سے ملحقہ زمین دے دیں ، ابھی پیار سے کہہ رہے ہیں ، دے دیں تواچھاہے ، ورنہ کل تحریک انصاف کی حکومت آئے گی اور سیکشن 4کے نفاذ کے بعد آپ کو کچھ نہیں ملنا، فروری تک زمین چاہیے تاکہ گھاس لگائی جاسکے ۔دوسری طرف سیلوبرادری کے نمائندہ حافظ روزشن نے بتایاکہ وہ 40کنال رقبہ کالج کیلئے عطیہ کرچکے ہیں لیکن اب آنیوالی نسلوں کے گھربنانے کے لیے بھی ان کے پاس جگہ نہیں ہے ، وہ خریدنے کی بات نہیں کرتے ، اگر اس زمین کامعاوضہ دیں تو وہ متبادل جگہ خرید کر یہ جگہ چھوڑسکتے ہیں ۔عمران خان کی اس دھمکی پر میڈیا حلقوں نے کافی تنقید بھی کی اور عمران خان کو اپنے لہجے پر معذرت کی نصیحت بھی کی، یہاں یہ امر بھی قابل ذکر ہے کہ اس سے قبل بھی کالج کی سینکڑوں کنال زمین کافی متنازعہ رہی ہے اور مقامی برادری کیساتھ عدالتوں میں مقدمات چلتے رہے لیکن سیاسی اثرورسوخ کی وجہ سے مقامی لوگوں کو ہتھیار ڈالنے پڑے اور ہزاروں کنال زمین نمل کالج کے کھاتے میں چلی گئی ۔
مقامی میڈیا کے مطابق نمل کالج کی کانووکیشن تقریب سے خطاب کرتے ہوئے پی ٹی آئی کے چیئرمین اور نمل کالج یونیورسٹی کے سرپرست اعلیٰ عمران خان نے کہاکہ ’مقامی آبادی نے اب تک توتعاون کیاہے ، یہاں ایک سپورٹس سٹیڈیم بنناہے ،تھوڑے سے لوگ رکاوٹ بنے ہوئے ہیں ، سیلو برادری سے بڑے پیار سے کہہ رہاہوں کہ زمین دیدو ، آپ کے لیے بھی ا چھاہوگا،ابھی آپ کو کچھ مل ہی جائے گا، کل پی ٹی آئی کی حکومت آئے گی، سیکشن فور لگے توملنابھی کچھ نہیں ، میری بات مان لیں ، سودا نہ کریں ، سوچ رہے ہیں کہ پیسے نظرآرہے ہیں ، وہ بھول جائیں ، یہ آپ کی زندگیاں بدلنے والاہے ، اگر کالج نہ بنتاتوساری عمر لوگوں نے بکریاں چراتے رہناتھا، ہم آگے کا سوچ رہے ہیں ، ابھی پیار سے کہہ رہاہوں ، آپ کیلئے مشکل بڑھ جائے گی ‘۔عمران خان نے شرکاءکو بتایاکہ امجد خان کو بات کرنے کی ذمہ داری سونپی تھی ، مجھے فروری سے پہلے زمین چاہیے تاکہ گھاس لگاسکیں ۔ یہاں یہ امر بھی قابل ذکر ہے کہ میانوالی میں پی ٹی آئی کی ضلعی حکومت بننے کاامکان ہے جبکہ عمران خان خود اسی حلقے این اے 72سے ریکارڈ ووٹوں کیساتھ رکن اسمبلی منتخب ہوئے لیکن بعد میں یہ سیٹ چھوڑدی تھی ۔
عمران خان کی اس دھمکی پر سیلوبرادری کے نمائندے حافظ روشن نے بتایاکہ وہ کالج کے سنگ بنیاد کے وقت وہ 40کنال راضی بطور عطیہ بغیر پیسوں کے دے چکے ہیں لیکن اب ان کے پاس اتنی جگہ نہیں کہ وہ کالج کو دے سکیں ، آنیوالی نسلوں کے بچوں کے گھر بنانے کیلئے بھی جگہ نہیں ، ایک طرف سڑک ہے تو دوسری طرف جھیل ۔ایک سوال کے جواب میں ان کاکہناتھاکہ خریدنے کی کسی نے بات ہی نہیں کی ، کہتے ہیں کہ دے دیں تو بہتر ہوگا، ورنہ دوسرے طریقے سے لے لیں گے ، یہ پیسہ نہیں لگاتے ، اگر قیمت کی ادائیگی کریں تو ہم متبادل جگہ خرید کریہ جگہ خالی بھی کرسکتے ہیں لیکن ابھی اس بارے میں کوئی سوچا نہیں کیونکہ ہمیں رقم کی کسی نے پیشکش ہی نہیں کی ۔
پی ٹی آئی کی مقامی قیادت کے قریبی سیاسی ذرائع نے نام ظاہر نہ کرنے کی شرط پر ’روزنامہ پاکستان ‘ کوبتایاکہ کالج کے پاس پہلے موجود زمین میں بیشتر شملات دیہہ کی زمین ہے اوراس کے لیے مالکان کو کوئی ادائیگی نہیں کی گئی ، کالج کے زیرقبضہ زمین 8000کنال کے لگ بھگ ہے ، اب جو مطالبہ کیاجارہاہے وہ مالکی ہے اور وہ مفت حاصل کرنے کی کوشش جاری ہے ۔ ایک اور ذریعے نے بتایاکہ پہلے سے موجود زیرقبضہ زمین کے چند مالکان کو شاید 120روپے فی کنال کے حساب سے ادائیگی کی گئی او رزیادہ ترزمین پر مفت میں قبضہ کیاگیا، وہ مالکان جوڈی سی اوکی موجودگی میں اس وقت یونین کونسل میں موجود نہیں تھے ، اُنہیں ادائیگی نہیں ہوسکی تاہم قیمت ادائیگی سے متعلق یہ اعدادوشمار زیادہ وثوق سے نہیں بتائے گئے ۔
قارئین کی آسانی کے لیے یہ بھی واضح رہے کہ سیکشن 4کسی بھی ہوسٹل ، سڑک ، سکول یا اور فلاحی منصوبے کے لیے لگایاجاتاہے جس کے تحت متعلقہ حکام سروے یا علاقے کا دورہ کرسکتے ہیں ، ڈسٹرکٹ کلکٹر کی سربراہی میں ایک کمیٹی تشکیل پاتی ہے جو جگہ کی قیمت کا تعین کرتی ہے اور اس قیمت کی ادائیگی اور جگہ صرف سرکارخرید سکتی ہے ، عمران خان سمیت کوئی بھی پرائیویٹ بند ہ سیکشن 4کے تحت جگہ نہیں لے سکتا، نمل یونیورسٹی بھی حکومت پاکستان یا حکومت پنجاب کی ملکیت نہیں ، اس کیلئے سیکشن فور کے تحت قانون کے مطابق زمین حاصل نہیں کی جاسکتی ، اس سے محسوس ہوتاہے کہ عمران خان نے بھی صرف دھمکی ہی دی ہے یا پھر اُنہیں اس سیکشن کی روح کے بارے میں علم ہی نہیں ۔
عمران خان کی دھمکی پر سینئر صحافی مظہر عباس نے کہاہے کہ اپوزیشن میں رہتے ہوئے ایسی بات کرنے سے آپ تصور کرسکتے ہیں کہ حکومت میں آنے کے بعد ان کا طریقہ کار کیا ہوگاکیونکہ اپوزیشن میں رہتے ہوئے ایسے بیانات کبھی دیکھنے میں نہیں آئے ، قبضے کرکے آپ سٹیڈیم یا یونیورسٹی بنادیں تو کوئی بھی آپ کے قبضے کو نہیں بھول سکتااور نہ ہی فلاحی کام کرنے کا یہ کوئی طریقہ ہے ، عمران خان کو اپنے لہجے پر معذرت کرنی چاہیے اور آئندہ کے لیے ایسے لہجے سے گریز کرناچاہیے ۔

نوازشریف کے جذبہ خیر سگالی سے بہت متاثر ہوا:نریندر مودی

Narendra Modi impressed by the gesture Nawaz Sharif

بھارتی وزیراعظم نریندرمودی نے کہاہے کہ شریف خاندان کے گھر میں خوشگوار شام گزاری،وزیراعظم نوازشریف کے جذبہ خیر سگالی سے بہت متاثر ہواہوں ۔
مختصر دورہ پاکستان مکمل کرنے کے بعد بھارت واپسی پر وزیراعظم نریندر مودی نے مائیکروبلاگنگ ویب سائٹ ٹویٹر پر جاری اپنے ایک پیغام میں کہاہے کہ نوازشریف کی سالگرہ اور ان کی نواسی مہرالنساءکی شادی شریف خاندان کیلئے دوہری خوشی ہے ،پاکستان آمد پر نوازشریف کے والہانہ استقبال نے دل جیت لیاہے ،نوازشریف کا جذبہ خیر سگالی سے بہت متاثر ہو ا ہوں ۔انہوں نے کہا کہ وزیراعظم نوازشریف نے سابق بھارتی وزیراعظم اٹل بہاری واجپائی کیلئے خیر سگالی کیلئے نیک خواہشات کا اظہار کیا ،شریف خاندان کے ساتھ انتہائیخوشگوار شام گزاری ۔

بچی کےتڑپ تڑپ کر مرنے پر افسوس لیکن بلاول کی جان زیادہ قیمتی ہے: نثار کھوڑو

Bilawal Life is More Important - Nisar Khuhro PPP

سول ہسپتال میں ٹراما سنٹر کے افتتاح کے موقع پر بلاول بھٹو زرداری اور وزیر اعلیٰ سندھ کی آمد پر سیکیورٹی اتنی اہم تھی کہ ایک 10 ماہ کی بچی کا باپ دہائیاں دیتا رہا مگر کسی نے اس کیلئے ہسپتال کا دروازہ نہیں کھولا اور ننھی بسمہ تڑپ تڑپ کر مرگئی۔ سفاکی اور بے حسی بچی کی جان لینے پر ہی ختم نہیں ہوئی بلکہ پی پی کی جانب سے مرحوم بچی کے باپ کے زخموں پر نمک پاشی بھی کی گئی۔
سندھ کے سینئر صوبائی وزیر نثار کھوڑو نے بچی کے انتقال کے بعد انتہائی سفاکانہ انداز میں پالیسی بیان دیتے ہوئے کہا کہ بچی کے انتقال پر افسوس ہے،سیکیورٹی کی وجہ سے بچی کا انتقال ہوا ہے تو والدین سے معذرت خواہ ہوں لیکن سب سے زیادہ عزیز تو بلاول بھٹو زرداری ہیں اور ان کی سیکیورٹی انتہائی اہم ہے۔

واضح رہے کہ بدھ کے روز کراچی کے سول ہسپتال میں ٹراما سنٹر کے افتتاح پر بلاول بھٹو زرداری اور قائم علی شاہ کی آمد کے موقع پر انتہائی سخت سیکیورٹی رکھی گئی تھی جس کی وجہ سے مریضوں کو ہسپتال میں داخلے کی بھی اجازت نہیں مل رہی تھی۔ ہسپتال میں داخل ہونے کی اجازت نہ ملنے کی وجہ سے لیاری کے فیصل نامی شخص کی 10 ماہ کی بسمہ تڑپ تڑپ کر مرگئی۔

نریندر مودی کی آمد کا خیر مقدم ،دورہ بھارت پر ہم نے بھی پاکستان آنے کی دعوت دی تھی : عمران خان

Narendra Modi Was Invited by Imran Khan ..

تحریک انصاف نے بھارتی وزیر اعظم نریندر مودی کی پاکستان آمد کا خیر مقدم کیا ہے ۔ تفصیلات کے مطابق تحریک انصاف کے چیئرمین عمران خان نے کہا ہے کہ بھارتی وزیر اعظم نریندر مودی کے دورہ پاکستان کا خیر مقدم کرتے ہیں،امن کے لئے پاک بھارت تعلقات میں بہتری ضروری ہے ۔ انہوں نے کہا کہ نریندر مودی کے دورے سے تعلقات پر مثبت اثرات مرتب ہونگے ۔ عمران خان نے کہا کہ دورہ بھارت پر ہم نے بھی وزیر اعظم نریندر مودی کو پاکستان آنے کی دعوت دی تھی ۔ انہوں نے مزید کہا کہ خطے میں پائیدار قیام امن کے لئے دونوں ملکوں میں بہتر تعلقات ناگزیر ہیں ۔

بھارتی وزیراعظم نریندر مودی وزیراعظم نوازشریف کے ساتھ ڈھائی گھنٹے گزارنے کے بعد ..!

Indian Prime Minister Narendra Modi with PM after spending two and a half hours ..!

بھارتی وزیراعظم نریندرا مودی وزیراعظم نوازشریف سے جاتی امرا میں مختصر ملاقات کے بعد نئی دہلی کیلئے روانہ ہو گئے ہیں اور وزیراعظم نوازشریف بھارتی ہم منصب کو خود لاہور ایئرپورٹ پر بھارت روانگی کیلئے الوداع کہہ کر آئے۔ تفصیلات کے مطابق بھارتی وزیراعظم نریندر مودی لاہور کے علامہ اقبال انٹرنیشنل ایئرپورٹ پہنچے جہاں خود وزیراعظم نوازشریف نے اپنے ہم منصب کا پرتپاک استقبال کیا، یہ کسی بھی بھارتی وزیراعظم کا گیارہ سال بعد پہلا دورہ ہے ، اس موقع پر وزیراعلیٰ پنجاب شہبازشریف ، وزیرخزانہ اسحاق ڈار اور دیگر اعلیٰ حکام بھی موجود تھے ۔ نریندرامودی کیساتھ ایک سو بیس ارکان پر مشتمل وفد بھی موجود ہے جو دوطیاروں کے ذریعے یہاں پہنچے ہیں جس کے بعد بذریعہ ہیلی کاپٹر وزیراعظم نوازشریف کی ذاتی رہائش گاہ رائیونڈ جاتی امرا پہنچے اور مختصر ملاقات کی اور رخصت سے قبل وزیراعظم نوازشریف کی والدہ سے بھی ملاقات کی ۔بھارتی وزیراعظم نریندر مو دی نے لاہور میں تقربیاً ڈیڑھ گھنٹہ قیام کیا اور انہوں نے واپسی پر پاکستانی حکام کا مہمان نوازی کا شکریہ بھی ادا کیا۔مودی نے ناشتہ کابل میں کیا، لنچ لاہور میں اور ڈنر دہلی میں کریں گے۔

اس سے قبل ٹوئیٹرپر اپنے ایک پیغام میں نریندرا مودی نے لکھاکہ ’وزیراعظم نوازشریف سے ٹیلی فونک رابطہ ہواہے اور اُنہیں سالگرہ کی مبارکباد دی ، آج سہ پہر کے بعد لاہور میں وزیراعظم نوازشریف سے ملاقات کی طرف دیکھ رہاہوں ، دہلی واپسی پر لاہور میں رکوں گا‘۔
وزیراعظم ہاﺅس کے ترجمان کاکہناتھاکہ مودی اور نوازشریف کے درمیان مختصرملاقات ہوگی جس دوران پاک بھارت تعلقات اور دوطرفہ امور پر تبادلہ خیال ہوگا، طیارہ کچھ دیر میں لاہور اترے گا اور یہ بھارتی وزیراعظم نریندرا مودی کا پہلا دورہ پاکستان ہوگا۔
جیونیوز سے خصوصی گفتگوکرتے ہوئے سینئرصحافی صالح ظافر نے بتایاکہ سالگرہ کی مبارکباد کے ٹیلی فون کے دوران مودی نے نوازشریف سے ملاقات کی خواہش کااظہار کیاجس پر نوازشریف نے مثبت جواب دیا اور خوش آمدیدکہہ دیا۔ دوسری طرف اطلاعات ہیں کہ دونوں رہنماﺅں کے درمیان ملاقات ایئرپورٹ تک محدود نہیں رہے گی بلکہ گورنر ہاﺅس میں ہوگی جبکہ نریندرا مودی ملاقات کیلئے رائیونڈ آناچاہتے ہیں تاہم ابتدائی طورپر ملاقات کا مقام واضح نہیں ہوسکا۔

ای سی ایل سے نام خارج کرنے کی درخواست

Ayan Ali 's request to remove the name from the ECL

کراچی : سندھ ہائی کورٹ نے سپر ماڈل ایان علی کی ای سی ایل سے نام خارج کرنے کی درخواست کی سماعت 15 جنوری تک ملتوی کر دی۔سندھ ہائیکورٹ میں سپر ماڈل ایان علی کی ای سی ایل سے نام داخل کرنے کی درخواست کی سماعت کی۔ اس موقع پر ایان علی عدالت میں موجود تھیں۔
ایان علی نے اپنی درخواست میں موقف اختیار کیا ہے کہ عدالت سے میری ضمانت ہوچکی ہے مجھے بیرون ملک جانا ہے۔ایان علی کے وکیل لطیف کھوسہ نے دلائل دیتے ہوئے عدالت سے کہا کہ ایان علی کی والدہ بیمار ہیں ان کے بیرون ملک بزنس رابطے خراب ہو رہے ہیں۔ حکومت ہمیں خوار کر رہی ہے۔ طرفین کے دلائل سننے کے بعد عدالت نے سماعت 15 جنوری تک ملتوی کر دی۔

Sonam Kapoor was Being abused

معروف اداکارہ سونم کپور کو بولی ووڈ انڈسٹری میں فیشن آئیکون کہا جاتا ہے۔ خوبرو اداکارہ نے فلم فیئر گلیمر اینڈ سٹائل ایوارڈز کی کور لانچ تقریب میں صحافیوں سے گفتگو کرتے ہوئے کہا انھیں انڈسڑی میں فیشن ٹرینڈ سیٹ کرنے کی بنا پر اکثر اوقات ہم عصر اداکاراؤں کی طرف سے گالیوں سے نوازا جاتا ہے۔

انھوں نے صحافیوں کو بتایا کہ انڈسٹری کی ایک مشہور اداکارہ نے حال ہی میں ان سے کہا کہ تمھارے نت نئے فیشن کی وجہ سے مجھے ہر دن خوبصورت اور سٹائلش نظر آنے کیلئے بہت سے پیسے خرچ کرنے پڑتے ہیں۔
اداکارہ کا کہنا تھا کہ انھیں اس بات کی سب سے ذیاہ خوشی ہے کہ ساتھی اداکارائیں کچھ بھی کہتی رہیں تاہم لوگ انھیں فیشن ایبل کہنے کی بجائے سٹائلش کہتے ہیں۔ انھوں نھے بتایا کہ انھیں سٹائلش کہلوانا بے حد پسند ہے۔
واضح رہے چند روز قبل اداکارہ آتھیا شیٹی کی طرف سے کہا گیا تھا کہ سونم کپور انکی فیشن آئیکون ہیں۔ جبکہ سونم کا آتھیا کے متعلق کہنا ہے کہ وہ کسی غزل کی طرح حسین ہیں

اوگرا نے سوئی سدرن کیلئے گیس سستی جبکہ سوئی ناردرن کیلئے مہنگی کرنے کی منظوری دے دی

اوگرا نے سوئی سدرن کیلئے گیس سستی جبکہ سوئی ناردرن کیلئے مہنگی کرنے کی منظوری دے دی ہے۔ تفصیلات کے مطابق اوگرا کی جانب سے ملک میں گیس کی قیمتوں میں کمی اور اضافے کی باقائدہ منظوری دے دی گئی ہے۔ نئی قیمتوں کے مطابق سوئی سدرن کیلئے 32_25 روپے فی ایم ایم بی ٹی یو کمی جبکہ سوئی ناردرن کیلئے 107 روپے فی ایم ایم بی ٹی یو اضافے کا اعلان کیا گیا ہے۔

چین نے امریکا کو اشتعال انگیزی سے باز رہنے کا انتباہ دے دیا

China Warns U.S. To Stop "Provocations"

چین نے امریکا کو اشتعال انگیزی سے باز رہنے کا انتباہ دے دیا ہے۔ چینی ذرائع ابلاغ کی جانب سے موصول ہونے والی تفصیلات کے مطابق بیجنگ حکومت کی طرف سے جاری کردہ ایک بیان میں کہا گیا ہے کہ امریکا دانستہ طور پر ان متنازعہ جزائر والے علاقے میں تناوٴ پیدا کرنے کی کوشش میں ہے۔ چین نےخبردار کیا ہے کہ بحیرہ جنوبی چین میں واقع ایک جزیرے پر امریکی بمبار طیارے کی پرواز سنگین فوجی اشتعال انگیزی ہے۔ بیان میں واشنگٹن سے مطالبہ کیا گیا ہے کہ وہ آئندہ اس طرح کے اقدامات سے باز رہے۔ بتایا گیا ہے کہ دس دسمبر کو امریکی ایئر فورس کا ایک B-52 اسٹریٹیجک بمبار طیارہ ان جزائر کی فضائی حدود میں داخل ہوا تھا جس پر بیجنگ نے وارننگ جاری کر دی تھی۔

سندھ رینجرز عسکری قیادت کی جانب سے کو کراچی سمیت پورے صوبے میں آپریشن کیلئے اختیارات کے استعمال کو گرین سگنل مل گیا

سندھ رینجرز عسکری قیادت کی جانب سے کو کراچی سمیت پورے صوبے میں آپریشن کیلئے اختیارات کے استعمال کو گرین سگنل مل گیاہے۔ تفصیلات کے مطابق ایک نجی ٹی وی کے اینکر کی جانب سے دعوی کیا گیا ہے کہ اعلی عسکری قیادت نے رینجرز کو کراچی سمیت پورے صوبے میں آپریشن کیلئے اختیارات کے استعمال کی اجازت دے دی ہے۔ عسکری قیادت کے اس فیصلے کو وزیراعظم نواز شریف کی بھی حمایت حاصل ہے۔یاد رہے کہ سندھ میں رینجرز اختیارات کے توسیع کے معاملے کو سندھ حکومت کی جانب سے متنازعہ بنا دیا گیا ہے جس کے بعد عسکری قیادت نے خود اس حوالے سے رینجرز کو اختیارات کے استعمال کی اجازت دینے کا فیصلہ کیا ہے۔

ملک بھر میں اسکائپ ، فیس بک ، واٹس ایپ سمیت انٹر نیٹ پر دیگر مفت وائس کال سروسز بند کر دیے جانے کا امکان

Skype Facebook and Whatsapp Voice call will be bane In Pakistan

ملک بھر میں اسکائپ ، فیس بک ، واٹس ایپ سمیت انٹر نیٹ پر دیگر مفت وائس کال سروسز بند کر دیے جانے کا امکان ظاہر کیا جارہا ہے۔ تفصیلات کے مطابق ملک میں اسکائپ ، فیس بک ، واٹس ایپ سمیت انٹرنیٹ پر دیگر مفت وائس کال سروسز بند کرنے کی تیاریاں کر لی گئی ہیں۔ حکومت نے سوشل اور وائس سروسز کو پی ٹی اے کے ماتحت لانے کا فیصلہ کیا ہے جس کے تحت حکومت نے تمام مفت وائس سروس فراہم کرنے والی کمپنیوں کے لیے پی ٹی اے سے لائسنس کا حصول لازمی قراردیا ہے۔ یہ فیصلہ ملک میں دہشت گردی اور انتہا پسندی کے خطرے کے پیش نظر کیا گیا ہے ۔ دستاویزات کے مطابق پاکستا ن میں مفت سروسز فراہم کرنے والی کمپنیوں کو یا تو جبری بند کر دیا جائے گا یا پھر انہیں کروڑوں روپے کی فیس ادائیگی کے عوض پی ٹی اے سے لائسنس حاصل کرنا ہو گا۔ وزارت آئی ٹی حکام کا کہنا ہے کہ وائس سروس کو ریگولیٹ کرنا وقت کی اہم ضرورت بن چکا ہے۔ فیصلہ دہشتگردی کے خطرے کے پیش نظر کیا گیا ہے ۔ آئی ٹی حکام نے مزید کہا کہ پی ٹی اے سے لائسنس کے حصول کے بعد کمپنیاں پاکستان کے قانون نافذ کرنے والے اداروں کے ساتھ تعاون کی بھی پابند ہوں گی.

آرمی چیف راحیل شریف کا اے پی ایس کی برسی کی تقریب میں آنے والے والدین کا خود استقبال

Army chief receives parents of APS martyrs

آرمی چیف راحیل شریف نے اے پی ایس کی برسی کی تقریب میں آنے والے والدین کا خود استقبال کیا ہے۔ تفصیلات کے مطابق آرمی پبلک سکول کے سانحہ کی پہلی برسی کے موقع پر انعقاد کی گئی تقریب میں وزیراعظم نواز شریف، آرمی چیف راحیل شریف سمیت دیگر اعلی قیادت موجود ہے۔ اس موقع پر آرمی چیف نے تقریب میں آنے والے والدین کا خود استقبال کیا۔

اگر تحریک انصاف حکومت میں آئی تو میں یہاں سے چلا جاوں گا: عامر لیاقت

عامر لیاقت کا کہنا ہے کہ اگر تحریک انصاف حکومت میں آئی تو میں یہاں سے چلا جاوں گا۔ تفصیلات کے مطابق نجی ٹی وی کے پروگرام میں گفتگو کرتے ہوئے معروف مذہبی اسکالر ڈاکٹر عامر لیاقت کا کہنا تھا کہ اگر تحریک انصاف حکومت میں آ گئی تو وہ ملک سے چلے جائیں گے۔ انہوں نے کہا کہ تحریک انصاف والے محض ٹویٹر اور فیس بک پر ہی مہذب ہیں۔ اگر ان کو دیکھا جائے تو سب کسی نہ کسی معروف تعلیمی ادارے سے تعلیم حاصل کر چکے ہیں لیکن جب انہیں انفرادی طور پر دیکھا جاتا ہے تو نازیبا الفاظ استعمال کرتے ہیں. انہوں نے پی ٹی آئی پر تنقید کرتے ہوئے کہا کہ ایسے لوگوں کو خاص قسم کے پھل کھانے چاہئیں تا کہ ان کی گفتگو مہذب ہو سکے.

پاکستان اور سعودی عرب سمیت 34 اسلامی ممالک نے دہشت گردی کیخلاف اتحاد تشکیل دے دیا

ریاض(اردو ویوز15دسمبر2015ء) پاکستان اور سعودی عرب سمیت 34 اسلامی ممالک نے دہشت گردی کیخلاف اتحاد تشکیل دے دیا ہے۔ تفصیلات کے مطابق سعودی عرب اور پاکستان سمیت 34 اسلامی ممالک نے فوجی اتحاد تشکیل دے دیا۔ فوجی اتحاد دہشت گردی کے خلاف جنگ کے لیے قائم کیا گیا ہے جس کی قیادت سعودی عرب کرے گا۔ فوجی اتحاد کا ہیڈ کوارٹر سعودی دارالحکومت ریاض میں ہو گا. فوجی اتحاد میں یو اے ای، قطر،مصر، اور ترکی بھی شامل ہیں۔

رینجرز اختیارات میں توسیع نہ کرنے پر تحریک انصاف نے وزیراعلی سندھ ہاوس کے گھیراو کا فیصلہ کرلیا

رینجرز اختیارات میں توسیع نہ کرنے پر تحریک انصاف نے وزیراعلی سندھ ہاوس کے گھیراو کا فیصلہ کرلیا ہے۔ تفصیلات کے مطابق رینجرز اختیارات میں سندھ حکومت کی جانب سے توسیع نہ کیے جانے کے تحریک انصاف نے وزیراعلی سندھ ہاوس کا گھیراو کرکے شدید احتجاج کرنے کافیصلہ کیا ہے۔ نجی ٹی وی سے بات کرتے ہوئے پی ٹی آئی رہنمافیصل واڈا کا کہنا تھا کہ اس معاملے پر دیگر سیاسی جماعتوں سے رابطہ کر رہے ہیں۔ شاید ہمیں ہڑتال کی کال دینی پڑے اور وزیر اعلیٰ ہاﺅس کا گھیراﺅ بھی کرنے پر غور کیا جا رہا ہے۔ رینجرز اختیارات کے معاملے پر تحریک انصاف کا اجلاس جاری ہے جس میں عمران اسماعیل اور ڈاکٹر عارف علوی سمیت دیگر رہنما شریک ہیں۔

بھارت میں طالبات کے ساتھ زیادتی کا الزام، تین اساتذہ معطل

بھارت میں طالبات کے ساتھ زیادتی کے الزام میں تین اساتذہ معطل کردیے گئے ہیں۔ تفصیلات کے مطابق مشرقی بھارت کے شہر کولکتہ میں طالبات کے ساتھ جنسی زیادتیوں کے الزام میں تین اساتذہ کو معطل کر دیا گیا ہیں۔ یہ واقعہ مغربی بنگال میں بھارت کے معروف ہدایت کار ستیہ جیت رے کے نام پر قائم ادارے ستیہ جیت رے فلم اینڈ ٹیلی ویژن انسٹی ٹیوٹ میں پیش آیا۔ان اساتذہ کے خلاف زبانی اور تحریری شکایات کے بعد انسٹی ٹیوٹ نے شکایات کی جانچ کے لیے ایک اندرونی تحقیقاتی کمیٹی تشکیل دی ہےاور تینوں اساتذہ کو تحقیقات کے دوران کیمپس سے دور رہنے کیلئے کہا گیا ہے۔طالبات کا الزام ہے کہ کئی اساتذہ ایسے بھی ہیں جو طالب علموں کو چھیڑ چھاڑ کے لیے اکساتے رہتے ہیں۔

سندھ اسمبلی کے اجلاس میں ایک مرتبہ پھر رینجرز اختیارات کی توسیع کا فیصلہ نہ ہوسکا

سندھ اسمبلی کے اجلاس میں ایک مرتبہ پھر رینجرز اختیارات کی توسیع کا فیصلہ نہ ہوسکا۔ تفصیلات کے مطابق سندھ حکومت نے ایک مرتبہ پھر رینجرز اختیارات میں توسیع کا معاملہ تاخیر کا شکار کردیا ہے۔ امکان ظاہر کیا جارہا تھا کہ آج ہونے والے سندھ اسمبلی کے اجلاس میں رینجرز اختیارات میں توسیع کا فیصلہ کرلیا جائے گا تاہم ایک مرتبہ پھر رینجرز اختیارات کے حوالے سے قرارداد اسمبلی اجلاس کے ایجنڈے میں شامل نہیں کی گئی۔ اس تمام صورتحال میں اپوزیشن کی جانب سے اسمبلی میں شدید احتجاج کرتے ہوئے نعرے بازی شروع کردی گئی جس کے بعد اسپیکر سندھ اسمبلی نے اجلاس کل صبح 10 بجے تک موخر کردیا۔

ایک پارٹی باپ چلائے گا، دوسری پارٹی بیٹا ، پیپلز پارٹی

پاکستان پیپلز پارٹی کے شریک چیئر مین آصف علی زرداری کوپیپلزپارٹی پارلیمنٹرینز کا صدر بنانے کا فیصلہ کرلیا گیا،حتمی فیصلہ سینٹرل ایگزیکٹو کمیٹی کرے گی۔ نجی ٹی وی کے مطابق پیپلز پارٹی کے شریک چیئر مین آصف علی زرداری کوپیپلزپارٹی پارلیمنٹرینز کا صدر بنانے کا فیصلہ کرلیا گیا ہے ۔ جبکہ بلاول بھٹو بدستور پیپلزپارٹی کی سربراہی کرتے رہیں گے۔ ذرائع کا کہنا ہے کہ یک پارٹی باپ چلائے گا، دوسری پارٹی بیٹا،پیپلز پارٹی نے حتمی فیصلہ کر لیا ہے نئے عہدوں کا باضابطہ اعلان آئندہ ماہ جنوری میںکیا جائے گا۔سابق وزیر اعظم راجہ پرویز اشرف کا کہنا ہے کہ کسی بھی تجویز پرحتمی فیصلہ سینٹرل ایگزیکٹو کمیٹی کرے گی۔

خواتین کس عمرکے مردوں کو پسند کرتی ہیں، دلچسپ تحقیق

What Age of Men , Women like mostly..

ایک حالیہ تحقیق میں اس بات کا جواب ڈھونڈنے کی کوشش کی گئی کہ مختلف عمر کی عورتیں کس طرح کے مردوں کو پسند کرتی ہیںاور اسی طرح مردوں کو کس عمر کی خواتین دلکش لگتی ہیں ،نتائج نے سب کو حیران کردیا ہے۔ سماجی رابطے اور تعلقات کی ویب سائٹ okcupid پر موجود مردوں اور خواتین کے ڈیٹا کے جائزے سے معلوم ہوا کہ مرد چاہے 20 سال کے ہوں یا 80 سال کے ان کئی پسند نوعمر یا نوجوان خواتین ہی ہوتی ہیں جبکہ خواتین کا معاملہ بالکل مختلف ہے۔

تحقیق کے نتائج کو ایک گراف کی صورت میں ظاہر کیا گیا تو معلوم ہوا کہ 20 سے 42 سال کے مرد محض 22 سال تک کی خواتین کو دلکش ترین سمجھتے ہیں۔ پینتالیس یا 46 سال تک کے مرد 23 یا 24 سال کی خواتین کو زیادہ پسند کرتے ہیں جبکہ اس کے بعد جیسے جیسے عمر بڑھتی ہے مردوں کی توجہ کم عمر خواتین کی طرف مائل ہوتی جاتی ہے اور 50 سال کے مردوں کی بھی یہی خواہش ہوتی ہے کہ انہیں 22 سالہ ہمسفر ملے۔ دوسری جانب خواتین اپنے ہم عمر مردوں میں ہی دلچسپی لیتی ہیں، 20 سے 25 سال کی خواتین اپنے سے کچھ سال بڑے مردوں کو دلکش سمجھتی ہیں جبکہ عمر بڑھنے کے ساتھ تقریباً اپنے ہم عمر مردوں میں زیادہ دلچسپی لیتی ہیں۔

26سال پہلے رینجرز کو لانے والے قائم علی شاہ ہی تھے،امن رینجرز نے ہی لانا ہے تو حکومت کس کام کیلئے ہے ؟ بی بی سی

قائم علی شاہ نے 1989ءمیں امن وامان کیلئے رینجرز کوکراچی بلایا تھا آج بھی قائم علی شاہ ہی وزیر اعلیٰ ہیں .26برس گذر گئے، وفاق میں 13 وزرائے داخلہ اور سندھ میں 14 حکومتیں گذر گئیں مگر رینجرز کیا آئے کہ پھر نہ گئے۔ پاکستان کا کوئی اور شہر ایسا نہیں جہاں رینجرز کا اتنا طویل اور مسلسل قیام ہومگر کراچی کا امن کیا رینجرز کی موجودگی سے ہی مشروط رہے گا ؟ اگر یہی کارِ مملکت ہے تو بے کار مملکت کیا ہوتی ہے ؟

بی بی سی کے مطابق ان 26 برسوں میں رینجرز کی موجودگی کے باوجود کراچی میں 10ہزار سے زائد شہری قتل ہوئے۔حالانکہ 1992 ءاور 1994ء کے بعد کراچی اس وقت تیسرے آپریشن سے گذر رہا ہے۔ان 26 سالوں میں صوبہ سندھ کے بجٹ میں امن و امان کے قیام پر اگر اوسطاً دس ارب روپے سالانہ بھی خرچ ہوئے ہوں تو اس اعتبار سے اب تک کم ازکم 260 ارب روپے خرچ ہوچکے ہیں۔جب پہلی بار رینجرز کو طلب کیا گیا تو خیال یہ تھا کہ امن و امان کی صورتِ حال بہتر ہوتے ہی انھیں اصل کام یعنی سرحدوں کی حفاظت پر بھیج دیا جائےگا۔اس دوران رینجرز کی موجودگی سے ملنے والی مہلت سے فائدہ اٹھاتے ہوئے پولیس کی تنظیمِ نو کر لی جائے گی تاکہ مستقبل میںرینجرز طلب کرنے کی ضرورت ہی نہ رہےلیکن آج بھی پولیس کی کم و بیش وہی حالت ہے جو 26 برس پہلے تھی۔ دونوں اداروں کا مقصد کراچی میں قیامِ امن کا حصول تھا اور ہے لیکن دونوں اداروں میں پیشہ ورانہ رابطہ کاری اور تعاون اتنا ہی ہے جتنا کسی برہمن اور ہریجن کے درمیان ہو سکتا ہے۔

پاکستانی طالبہ کا کارنامہ ، استعمال شدہ ٹشو پیپرز سے پیٹرول تیار کر لیا ۔

انسان نے ہی انسانیت کو شرمادیا، بغیر اجرت مزدوری سے انکارپر پی ٹی آئی کے ٹکٹ ہولڈ رنے غریب نوجوان کے دونوں ہاتھ کاٹ ڈالے

PTI Ticket Hold Cut off the hands of Poor Young Employee

بڑے عرب ملک سے غیر ملکی ملازمین کیلئے شاندار خوشخبری آگئی، بڑی پابندی اُٹھالی گئی

بھارتی وزیراعظم نریندرمودی کو مختصر دورہ پاکستان کے موقع پر کیا پیش کیا گیا

پاکستان کے وہ 7’آسیب زدہ‘ مقامات جن کے بارے میں مشہور کہانیاں سن کر کسی کے بھی رونگٹے کھڑے ہوجائیں

CELEBRITY PLASTIC SURGERY GONE WORST

Priscilla Presley

سعودی عرب کو سب سے خطرناک دھمکی مل گئی، جنگ کا واضح اعلان ہوگیا

Saudi Arabia Got the most dangerous threat , War Is Declared

نوازشریف کے جذبہ خیر سگالی سے بہت متاثر ہوا:نریندر مودی

Narendra Modi impressed by the gesture Nawaz Sharif

بچی کےتڑپ تڑپ کر مرنے پر افسوس لیکن بلاول کی جان زیادہ قیمتی ہے: نثار کھوڑو

Bilawal Life is More Important - Nisar Khuhro PPP

نریندر مودی کی آمد کا خیر مقدم ،دورہ بھارت پر ہم نے بھی پاکستان آنے کی دعوت دی تھی : عمران خان

Narendra Modi Was Invited by Imran Khan ..

بھارتی وزیراعظم نریندر مودی وزیراعظم نوازشریف کے ساتھ ڈھائی گھنٹے گزارنے کے بعد ..!

Indian Prime Minister Narendra Modi with PM after spending two and a half hours ..!

ای سی ایل سے نام خارج کرنے کی درخواست

Sonam Kapoor was Being abused

اوگرا نے سوئی سدرن کیلئے گیس سستی جبکہ سوئی ناردرن کیلئے مہنگی کرنے کی منظوری دے دی

چین نے امریکا کو اشتعال انگیزی سے باز رہنے کا انتباہ دے دیا

سندھ رینجرز عسکری قیادت کی جانب سے کو کراچی سمیت پورے صوبے میں آپریشن کیلئے اختیارات کے استعمال کو گرین سگنل مل گیا

ملک بھر میں اسکائپ ، فیس بک ، واٹس ایپ سمیت انٹر نیٹ پر دیگر مفت وائس کال سروسز بند کر دیے جانے کا امکان

آرمی چیف راحیل شریف کا اے پی ایس کی برسی کی تقریب میں آنے والے والدین کا خود استقبال

Army chief receives parents of APS martyrs

اگر تحریک انصاف حکومت میں آئی تو میں یہاں سے چلا جاوں گا: عامر لیاقت

اگر تحریک انصاف حکومت میں آئی تو میں یہاں سے چلا جاوں گا: عامر لیاقت

پاکستان اور سعودی عرب سمیت 34 اسلامی ممالک نے دہشت گردی کیخلاف اتحاد تشکیل دے دیا

رینجرز اختیارات میں توسیع نہ کرنے پر تحریک انصاف نے وزیراعلی سندھ ہاوس کے گھیراو کا فیصلہ کرلیا

بھارت میں طالبات کے ساتھ زیادتی کا الزام، تین اساتذہ معطل

سندھ اسمبلی کے اجلاس میں ایک مرتبہ پھر رینجرز اختیارات کی توسیع کا فیصلہ نہ ہوسکا

ایک پارٹی باپ چلائے گا، دوسری پارٹی بیٹا ، پیپلز پارٹی

خواتین کس عمرکے مردوں کو پسند کرتی ہیں، دلچسپ تحقیق

26سال پہلے رینجرز کو لانے والے قائم علی شاہ ہی تھے،امن رینجرز نے ہی لانا ہے تو حکومت کس کام کیلئے ہے ؟ بی بی سی

پاکستانی طالبہ کا کارنامہ ، استعمال شدہ ٹشو پیپرز سے پیٹرول تیار کر لیا ۔

Labels

Most View Videos

Template Information

Template Information

Total

Test Footer 2