Every Pakistani is indebted to Rs one lakh 7 thousand 828

ہر پاکستانی ایک لاکھ7ہزار828روپے کامقروض ہے،اسٹاک مارکیٹ مندے کے باعث سرمایہ داروں کو20ارب 

امیرجماعت اسلامی پنجاب میاں مقصود احمدنے کہاہے کہ رواں مالی سال کی پہلی سہ ماہی کے اختتام پر حکومت کے ذمہ قرضوں اور واجبات کامجموعی حجم207کھرب تک پہنچ چکا ہے جوکہ انتہائی تشویش ناک امر ہے،صرف ایک سال کے دوران حکومت کے قرضوں اور واجبات میں21کھرب 97ارب50کروڑ روپے کااضافہ معاشی پالیسیوں کی ابتری کی طرف اشارہ کرتا ہے جسے ہنگامی بنیادوں پرکنٹرول کرنے کی ضرورت ہے۔حکومت کوبیرونی قرضوں کی بجائے قومی وسائل پرانحصار کرنا چاہئے۔ہفتہ کو اپنے ایک بیان میں انہوں نے کہاکہ پاکستان کاہرشہری ایک لاکھ7ہزار828روپے کامقروض ہوچکا ہے۔ اندرونی قرضوں میں 16کھرب18ارب70کروڑ روپے کااضافہ نوٹ کیاجارہا ہے اور ان کامجموعی حجم 127کھرب 14ارب60کروڑروپے تک پہنچ چکا ہے جس کی وجہ سے سٹاک مارکیٹ میں مندابرقرار ہے۔اب تک سرمایہ داروں کے20ارب26کروڑ روپے ڈوب چکے ہیں۔رہی سہی کسر313اشیاء ضروریہ پرریگولیٹری ڈیوٹی بڑھانے کی خبر نے پوری کردی ہے۔اس سے5کروڑسے زائد متوسط افراد براہ راست متاثر ہوں گے۔حکومت ایسے اقدامات نہ کرے جن سے غریب عوام کے مسائل میں اضافہ ہو۔میاں مقصوداحمد نے مزیدکہاکہ آئی ایم ایف کاپاکستان کے ذمہ قرضہ175ارب20کروڑ روپے سے بڑھ کر475ارب30کروڑ روپے ہوچکا ہے۔حکومتی قرضے اور واجبات مجموعی قومی آمدن کے67.5فیصد ہے جوکہ ملک وقوم کی ترقی کی راہ میں سب سے بڑی رکاوٹ ہے۔ضرورت اس امر کی ہے کہ حکومت ملکی وسائل کوبروئے کار لاتے ہوئے ملکی وغیر ملکی قرضوں سے چھٹکارہ حاصل کرے۔انہوں نے کہاکہ ڈالر ایک مرتبہ پھر106روپے سے تجاوز کرچکا ہے۔مہنگائی میں ہوشرباء اضافہ ہونے سے غریب کی زندگی اجیرن ہے۔رواں مالی سال کے ابتدائی 4ماہ میں ملکی برآمدات میں ایک ارب ڈالرکی کمی ہوچکی ہے۔زائدپیداواری لاگت سے بیرون ملک پاکستانی مصنوعات کی مارکیٹ کوشدیدنقصان پہنچایا

Read more »

Paris Attackers Exploited Intelligence Gaps

بھارتی حکومت کو پیرس میں‌ہونے والے خود کُش حملوں کا پہلے سے ہی علم تھا

 بین الاقوامی میڈیا کی حال ہی میں سامنے آئی ایک رپورٹ میں ایک تہلکہ خیز انکشاف کیا گیا ہے . رپورٹ کے مطابق پیرس میں ہونے والے حملوں سے متعلق بھارتی حکومت پہلے سے ہی آگاہ تھی لیکن بھارت نے کسی حکومت کے ساتھ یہ معلومات شئیر نہ کرتے ہوئے اپنی سکیورٹی کو مزید مؤثر کرنے پر توجہ دی. بھارت کی وزارت داخلہ نے تمام بھارتی خفیہ ایجنسیوں کو ایک خفیہ خط بھی ارسال کیا ہے جس میں تمام ایجنسیوں کو کسی بھی دہشت گردی کی کارروائی سے نمٹنے کے لیے تیار رہنے کی ہدایت کی گئی ہے.

رپورٹ کے مطابق ممکنہ طور پر داعش کو ایسی کارروائی پر اکسانے کے پیچھے بھارت ہی کا ہاتھ ہے. رپورٹ کے مطابق بھارتی خفیہ ایجنسیوں کے سینئر اہلکاروں نے خفیہ طور ہر عراق اور شام کے دورے بھی کئے، اور داعش کے اراکین سے ملاقاتیں بھی کیں. انہی خفیہ دوروں کے بعد داعش کی بڑھتی ہوئی سرگرمیاں دنیا کے میڈیا کے سامنے آنا شروع ہوئیں، خصوصا بھارتی میڈیا میں، جنکا تعلق داعش اور القاعدہ کے ساتھ جوڑا جاتا رہا.

Read more »

Aamir Khan leaves India, spotted at international airport in Mumbai!

بھارت کی فلم انڈسٹری کو بڑا دھچکا، عامر خان انتہاء پسندوں کی دھمکیوں پر بھارت کو الوداع کہہ کر چلے گئے

بھارت کی فلم انڈسٹری کو بڑا دھچکا، بالی وڈ سٹار عامر خان انتہاء پسندوں کی دھمکیوں پر بھارت کو الوداع کہہ کر امریکہ چلے گئے۔ ہفتہ کو ذرائع کے مطابق بالی وڈ سٹار عامر خان انتہاء پسندوں کی طرف سے مسلسل دھمکیوں کے بعد خاموشی سے بھارت چھوڑ کر امریکہ روانہ ہو گئے ہیں، عامر خان کب واپس آئیں گے اس کا کسی کو بھی نہیں پتا، عامر خان کو آخری مرتبہ ممبئی انٹرنیشنل ایئرپورٹ پر دیکھا گیا ہے۔ واضح رہے کہ گزشتہ دنوں انہوں نے ایک پریس کانفرنس میں انکشاف کیا تھا کہ ان کی اہلیہ انہیں بھارت چھوڑنے کا مشورہ دے چکی ہیں۔

Read more »

Bollywood star Aamir Khan Sued Over Movie Poster

عامر خان کے خلاف کانپور کی عدالت میں بغاوت کا مقدمہ دائر کرنے کی درخواست

بھارت میں بڑھتی ہوئی انتہاءپسندی کے خلاف بیان عامر خان کیلئے کئی مشکلات پیدا کر چکا ہے اور اب ان کے خلاف بغاوت کا مقدمہ دائر کرنے کی درخواست بھی دیدی گئی ہے۔ بھارتی میڈیا کے مطابق عامر خان کے خلاف کان پور کی عدالت میں بغاوت کا مقدمہ دائر کرنے کی درخواست ایک فلمساز نے دی ہے جس میں موقف اختیار کیا گیا ہے کہ عامر خان نے اپنے بیان سے لوگوں کو خوفزدہ کرنے کیا ہے۔ 
واضح رہے کہ انہوں نے ایک تقریب میںبھارت میں بڑھتی ہوئی انتہاءپسندی کے خلاف بیان دیا تھا جس کے بعد ان کے خلاف شدید احتجاج کا سلسلہ جاری ہے۔ انتہاءپسندوں کا کہنا ہے کہ عامر خان پاکستان چلے جائیں اور اگر انہیں بھارت میں رہنا ہے تو ہندو ہونا پڑے گا۔

Read more »

The First Woman Pilot buried with military honors , Air Chief

پہلی شہید خاتون پائلٹ مریم مختار فوجی اعزاز کے ساتھ سپرد خاک ،انکی قربانی نہیں بھولیں گے،ائیر چیف

The First Woman Pilot Maryam Mukhtar buried with military honors , will not forget their sacrifice , Air Chief

میانوالی میں طیارہ حادثہ میں شہید ہونے والی فلائنگ آفیسر مریم مختار کی نما ز جنازہ کراچی میں ادا کرنے کے بعد انہیں ملیر کینٹ میں مکمل فوجی اعزاز کے ساتھ سپرد خاک کر دیا گیا ۔اس موقع پر پاک فضائیہ کے چاق وچوبند دستے نے مرحومہ کو سلامی پیش کی ۔فلائنگ آفیسر مریم کی نماز جنازہ میں ائیر چیف سہیل امان ،کور کمانڈر کراچی اور پاک فوج و فضائیہ کے اعلیٰ حکام نے شرکت کی ۔اس موقع پر سربراہ پاک فضائیہ ائیرمارشل سہیل امان اور کور کمانڈر کراچی نے شہید خاتون پائلٹ کے اہل خانہ سے تعزیت کا اظہار بھی کیا۔جام شہادت نوش کرنے والی پاک فضائیہ کی پہلی خاتون آفیسر کو خراج تحسین پیش کرتے ہوئے ائیر مارشل سہیل امان کا کہنا تھا کہ جس قوم کی مریم جیسی بیٹیاں ہوں اس قوم کو کئی شکست نہیں دے سکتا۔انہوں نے کہا کہ پاک فوج کا ہرجوان وطن کیلئے جان قربان کرنے کو تیارہے ،قوم مریم کی قربانی کو کبھی نہیں بھلائے گی۔دوسری جانب کورکمانڈر کراچی نوید مختار نے مریم مختار کی قربانیوں کو سراہتے ہوئے کہا کہ مریم مختار قوم کی بیٹیوں کیلئے ایک مثال ہے ،ان کی قربانی ہما را فخر ہے۔انہوں نے کہا کہ مریم کی زندگی نوجوان نسل کیلئے قابل دیدہے۔

Read more »

WEAK EYES GET BETTER

کمزور نظر کو بہتر کرنے کے لئے چار آسان قدرتی ٹوٹکے 

کمزور نظر کی وجہ سے ہمیں کافی پریشانی کا سامنا کرنا بڑتا ہے لیکن کیا ہی اچھا ہو کہ کمزور نظرکو بہتربنایا جاسکے تو آئیے آپ کو اس کے لئے چار آسان طریقے بتاتے ہیں۔
درست کھانے کا انتخاب
ہم جو بھی کھاتے ہیں وہ ہمارے جسم پر اثرانداز ہوتا ہے۔اگر کھانا چکنائی سے بھرا ہوگا تو یقیناًاس کا منفی اثر معدے پر پڑے گا اور بالکل اسی طرح اگر کھانے میں غذائیت ہوگی تو اس کا جسم پر خوشگوار اثر پڑے گا۔کچھ کھانے ایسے ہوتے ہیں جن کے کھانے سے نظر تیز ہوتی ہے،ایسے کھانوں میں انٹی آکسیڈینٹس والے کھانے جیسے سبز پتے والے کھانے،انڈی کی زردی،کدو،میٹھے آلو،گاجریں اور بیٹا کروٹین والے کھانے ہیں۔اس کے علاوہ مچھلی کا تیل اور فیٹی ایسڈبھی نظر کےلئے مفید ہے لہذا سولومون اور کوڈ مچھلی ضرور کھائیں۔ان غذاﺅں کے علاوہ زیادہ سے زیادہ پانی کا استعمال کریں،زیادہ سے زیادہ پانی کی وجہ سے جسم میں پانی کی کمی نہ ہوگی اور آنکھ خشک نہ ہوگی۔
آنکھوں کی ورزش
ہمارے جسم کے لئے ورزش بہت ضروری ہوتی ہے اور بالکل اسی طر ح آنکھوں کو ورزش بہت فائدہ دیتی ہے۔دن میں کم از کم تین بار اپنے ہاتھوں کو رگڑیں گرم ہونے پر اور انہیں اپنی آنکھوں پر پانچ سیکنڈ کے لئے لگائیں۔ایک اورورزش میں لیٹ کر چھت کی طرف دیکھیں اور درمیان میں گھورتے ہوئے پہلے دس بار دائیں اور پھر دس بار بائیں جانب گھمائیں۔اسی طرح ایک پین کو اپنے سامنے ایک بازو کے فاصلے پر رکھیں اور اس کی نب پر نظر رکھیں،اسکے بعد آہستہ آہستہ اس پین کو قریب لائیں اور جب یہ آپ کی آنکھوں سے 6انچ رہ جائے تو اسے دوبارہ دور لے جائیں،یہ عمل دن میں چھ بار ضرور کریں۔
ماحول پر نظر رکھیں
اپنے اردگرد ماحول کا بغور جائزہ لیں اور دیکھیں کہ کن جگہوں پر آپ کو نظر میں کمزوری محسوس ہوتی ہے۔بعض اوقات کمپیوٹر کی سکرین دیکھنے کی وجہ سے نظر زیادہ کمزور محسوس ہوتی ہے۔اسی طرح سگریٹ پینے سے بھی نظر میں کمزوری محسوس ہوتی ہے لہذا سگریٹ سے اجتناب کریں۔
صحیح طریقے سے آرام کریں
آپ کو چاہیے کہ صحیح طریقے سے آرام کریں،دن میں کم از کم آٹھ گھنٹہ ضرور سوئیں۔اس طریقے سے آنکھوں کو آرام ملے گا اور نظر کی کمزوری دور ہوگی۔کمپیوٹر استعمال کرتے ہوئے ہر ایک گھنٹے بعد تھوڑی دیر کے لئے اپنی آنکھوں پر اپنی ہتھیلیوں کو ایسے رکھیں کہ ان میں روشنی داخل نہ ہو۔اس حالت میں 10منٹ بیٹھیں اور پھر اپنا کام شروع کریں،اس طریقے سے آنکھوں کو آرام ملے گا۔

Read more »

Holiday on 27TH NOVEMBER IN ALL SINDH

سندھ میں 27نومبر کو چھٹی کا اعلان

 سندھ بھر میں 27نومبر کی چھٹی کا اعلان کردیاگیاہے اور اس ضمن میں باضابطہ طورپر نوٹیفکیشن بھی جاری کردیاگیاہے ۔ 
نجی ٹی وی چینل کے مطابق عام تعطیل کا اطلاق صوبے بھرمیں بلدیاتی اداروں اور تمام سرکاری اداروں پر ہوگا ۔چیف سیکریٹری سندھ صدیق میمن نے بتایاکہ شاہ عبدالطیف بھٹائی کے عرس کی تقریبات کے سلسلے میں چھٹی کی گئی ۔

Read more »

Molana Tariq Jamee Taveez for LOVE and Happiness in Home

مولاناطارق جمیل نے گھروں میں محبت پیداکرنے ، لڑائی جھگڑے کے خاتمے کا آسان تعویزبتادیا

معروف عالم دین مولانا طارق جمیل نے کہاہے کہ نبی آخرالزماں محمد ﷺ کی زندگی سے سبق سیکھیں ، اپنی زبان پر قابورکھیں اور دوسروں سے بداخلاقی یاگالم گلوچ کی بجائے حوصلہ افزائی و تعریف کریں ،میری بہن نے گھریلوملازمہ کو بھی ایک تعویزدیاتھا اوراس کے گھر میں تمام لڑائی ختم ہوگئی۔ 
ایک مجمع سے خطاب کرتے ہوئے مولاناطارق جمیل کاکہناتھاکہ ’غیبت ، گالم گلوچ ، طعنہ ، طنزاور برابھلا کہناچھوڑدیں ، ایک ہمارے گھر میں خالہ شریفاں نامی دھوبن تھی جو1985ءمیں فوت ہوگئی تھیں، بہت لڑاکی تھیں ۔ایک دن مولاناطارق جمیل کی بہن کے پاس آگئیں کہ بی بی میری بہوئیں بہت لڑتی ہیں ، کوئی تعویزدے کہ ساری نوکربن جائیں ‘۔مولاناطارق جمیل نے بتایاکہ اُن کی بہن نے ایک کاغذ پر الٹی سیدھی لکیریں کھینچیں اور لیپٹ کر خالہ شریفاں کو دیدیا اور ہدایت کی کہ جب لڑائی شروع ہوتو یہ تعویز اپنے دانتوں کے نیچے رکھ کر دبائے رکھنا حتیٰ کہ گھر کا ماحول معمول پر نہ آجائے ، یہ بھی یادرکھنا کہ ایک دفعہ دبانے کے بعد گرنے نہ پائے ورنہ بہت فساد کا خدشہ ہوسکتاہے ، خالہ کوہی چپ کرنا مقصود تھا کیونکہ لڑائی کی وجہ ہی وہ خود تھی ، ایک ہفتے بعد وہ دوبارہ آئی اور شکریہ اداکرتے ہوئے بتایاکہ تعویز بہت اچھاہے ، ساری لڑائی ہی ختم ہوگئی ۔

مولاناطارق جمیل نے کہاکہ ہمیں مجموعی طورپر ویساہی تعویز رکھنے کی ضرورت ہے ، چنددنوں میں ہمارے درمیان محبتیں پیداہوں گی ، معاشرے میں طلاق بہت بڑھ چکی ہے کیونکہ برداشت نہیں ، ہمیں نبی ﷺ کی زندگی سے سبق سیکھناچاہیے اور اُنہوں نے اپنی امتیوں کو صبر وشکرکی تلقین فرمائی ۔

Read more »

On the occasion of the National Day of the UAE - Discount on Emirates Airline ticket prices

متحدہ عرب امارات کے نیشنل ڈے کے موقع پر ایمریٹس اور اتحادایئرلائن کا ٹکٹوں کی قیمت میں کمی کا اعلان

National Day Holidays: UAE airlines slash fares to several destinations

 متحدہ عرب امارات کے قومی دن کی چھٹیوں کے موقع پر اماراتی ایئرلائنز نے کرایوں میں خاطر خواہ کمی کا اعلان کردیا ۔ 
اماراتی میڈیا کے مطابق ایمریٹس ایئرلائن نے نیشنل ڈے کے موقع پر سپیشل سکیم متعارف کرائی ہے جس کے تحت رواں ماہ کی 26تاریخ تک ٹکٹ خریدے جاسکتے ہیں اور 18نومبر سے آئندہ سال 22مارچ تک قابل استعمال ہوں گے ۔ 
اسی طرح اتحادایئرلائن نے اکانومی اور بزنس کلاس کیلئے دنیا بھر میں 44مقامات کیلئے اپنے ٹکٹوں پر رعایت دینے کا اعلان کیاہے ، اس پیشکش کے تحت مسافروں کو 15جنوری سے 31مئی 2016ءتک فائدہ اٹھانے کے لیے ابھی سے ٹکٹ بک کرانے ہوں گے ،اس سکیم کے تحت ٹکٹوں کی فروخت رواں ماہ کی 28تاریخ تک جاری رہے گی ۔ 
دونوں ایئرلائنز کے علاوہ شارجہ سے آپریٹ ہونیوالی ایئرعریبیہ نے بھی محدود وقت کیلئے ٹکٹوں میں کمی کا اعلان کیاہے جس کے تحت 449درہم تک کی بچت ہوسکتی ہے تاہم اس کے لیے آج ہی ٹکٹ خریدناہوگالیکن 10مارچ تک سفر کیاجاسکے گا۔ 
ان پیش کشوں کا اطلاق لر، تہران ، مشہد، شیراز، ابادان ، اسفہان ، کویت ، بہرین اور دوہاکیلئے ہوگاجبکہ یواے ای کے کئی رہائشی چھٹیوں کے دوران سفر کا ارادہ رکھتے ہیں ۔ 
یادرہے کہ نیشنل اور شہداءڈے یکم سے پانچ دسمبر تک منائے جائیں گے اور چھ دسمبرکو دوبارہ دفتری امور،سکول شروع ہوں گے ۔

Read more »

NAB Acquits Zardari in SGS-Cotecna References

عدالت نے آصف زرداری کوایس جی ایس اورکوٹیکنا کیس میں بری کردیا

احتساب عدالت نے آصف زرداری کو ایس جی ایس اورکوٹیکنا کیس میں بری کر دیا ہے ۔تفصیلات کے مطابق احتساب عدالت کے جج محمد بشیر نے سابق صدر آصف علی زرداری کو ایس جی ایس اور کوٹیکنا کیس میں بری کردیا ہے ۔ان پر غیر ملکی کمپنی کو پری شپمنٹ میں ٹھیکا لینے کا الزام تھا جو کہ ثابت نہ کیا جا سکا۔اس کیس پر احتساب عدالت کے جج محمد بشیر نے گیارہ نومبر کو فیصلہ محفوظ کیا تھا ۔ اصل دستاویزات نہ ہونے پر عدالت نے کہا کہ تفتیشی افسر نے بھی اصل دستاویزات نہیں دیکھیں لہذا ملزم کو بری کیا جائے۔درخواست میں کہا گیا تھا کہ سیف الرحمان و دیگر نے سیاسی انتقام کا نشانہ بنانے کیلئے کیس دائر کیا تھا جبکہ ثبوتوں کی عدم راہمی پر زرداری کے شریک ملزم کو بھی رہا کیا جا چکا ہے ،لہذا عدالت آصف زرداری کو ان جھوٹے کیسز سے بری کرے جس پر عدالت نے انہیں باعزت بری کر دیا۔خیال رہے کہ کمیشن کی وصولی کا الزام 1997میںبے نظیر بھٹو دور میں لگایا گیا تھا۔بعدازسماعت آصف زرداری کے وکیل فاروق ایچ نائیک نے میڈیا سے گفتگو کرتے ہوئے کہا کہ1997میں سیف الرحمان و دیگر نے آصف زرداری پر ایس جی ایس اور کوٹیکنا کے حوالے سے غیر ملکی کمپنی کو پری شپمنٹ میں ٹھیکا لینے کا الزام لگایا تھا ۔انہوں نے کہا کہ ثبوتوں کی عدم فراہمی پر 18سال بعد مقدمات ختم ہوئے ہیں جبکہ آصف زرداری نے 8سال جھوٹے مقدمات میں جیل کاٹی۔ان کا کہنا تھاکہ جھوٹے لزامات عائد کرنے والوں سے قیامت کے روز سوال ضرور ہوں گے۔آصف زرداری 3ریفرنسز میں بری ہوگئے ہیں، آج انصاف قانون اور آئین کی فتح ہوئی ہے۔انہوں نے کہا کہ ایک بھی کاغذ ایسا نہیں تا جو آصف زرداری پرعائد الزامات کو سچ ثابت کرتا،جج صاحب کے شکر گزار ہیں کہ منصفانہ فیصلہ کیا۔

Read more »

CNIC of NADRA in Few Essay Step New Policy

نادرا کی جانب سے شناختی کارڈ بنوانے کے عمل کو انتہائی آسان کردیا گیا

اسلام آباد(اردو پوائنٹ تازہ ترین اخبار.20 نومبر 2015 ء) نادرا کی جانب سے شناختی کارڈ بنوانے کے عمل کو انتہائی آسان کردیا گیا ہے۔تفصیلات کے مطابق وفاقی وزارت داخلہ کی ہدایت پر نادرا نے شناختی کارڈ بنوانے کے عمل کو انتہائی آسان کردیا ہے اور اس سلسلے میں کئی رکاوٹوں کو ختم کردیا ہے۔ اب 20 روپے کے اسٹام پیپر کی مدد سے ریکارڈ میں کسی بھی قسم کی تبدیلی کروائی جاسکے گی، اس مقصد کیلئے اضافی دستاویزات کی ضرورت نہیں ہو گی۔ اسٹام پیپر کسی سرکاری گرید 17 کے آفیسر سے تصدیق کروانے کی شرط بھی ختم کردی گئی ہے۔ یہ کام کسی بھی شناختی کارڈ ہولڈر سے کروایا جاسکے گا۔تاریخ پیدائش کیلئے کمپیوٹرائزڈ برتھ سرٹیفیکیٹ، نام کی تبدیلی کیلئے اخبار میں اشتہارجبکہ بیوی کے نام کے اندراج کیلئے نکاح نامہ جمع کروانے کی شرائط بھی ختم کردی گئی ہیں۔ نادرا کی اس نئی پالیسی کا اطلاق 23 نومبر سے ہوگا۔

Read more »

Pakistan Has Jungle System - Imran Khan

پاکستان میں جنگل کا نظام ہے، منافع بخش اداروں کی نجکاری نہیں ہونے دینگے: عمران خان

پاکستان تحریک انصاف کے چیئرمین عمران خان نے کہا ہے کہ ہم منافع بخش اداروں کی نجکاری کی بھرپور مخالفت کرینگے۔ان کی نجکاری نہیں ہونے دینگے۔پاکستان میں جنگل کا نظام ہے اور جس کی لاٹھی اس کی بھینس والا معاملہ ہے، ہر لڑائی اور انتشار کی جڑ ناانصافی ہے جبکہ اگر انصاف کا نظام ہو تو اس سے امن آتا ہے اور امن سے خوشحالی آتی ہے۔ 
تفصیلات کے مطابق چارسدہ میں جلسے سے خطاب کرتے ہوئے عمران خان نے کہا کہ علامہ اقبال پاکستان کے نظریاتی لیڈر تھے، ان کے نظریئے پر عمل کر کے پاکستان کو ترقی کی راہ پر گامزن کیا جا سکتا ہے۔ عمران خان نے کہا کہ پاکستان میں جس کی لاٹھی اس کی بھینس والا معاملہ ہے اور اگر انصاف کا نظام آ جائے تو امن آ جائے گا اور جب امن آئے تو خوشحالی بھی آ جائے گا۔ انہوں نے کہا کہ حکومت نے ڈیزل پر جی ایس ٹی کی شرح 50 فیصد کر دی ہے جبکہ اس سے قبل صرف 16 فیصد جی ایس ٹی تھا اور اگر آج اسے کم کر کے 16 فیصد ہی کر دیا جائے تو ڈیزل کی فی لیٹر قیمت میں 18 روپے کمی ہوتی ہے۔ 
تحریک انصاف کے چیئرمین کا کہنا تھا کہ حکومت ٹیکس اکٹھا کرنے کیلئے مہنگائی کر رہی ہے، جی ایس ٹی لگا رہی ہے، ودہولڈنگ ٹیکس لگا رہی ہے اور اس کا شکار صرف غریب ہیں اور یہی وجہ ہے کہ غریب روز بہ روز غریب جبکہ امیر دن بہ دن امیر ہو رہا ہے۔ انہوں نے کہا کہ پاکستان میں تعلیم کے نظام کی صورتحال بھی کچھ ایسی ہی ہے۔ سارے پاکستان میں صرف 8 لاکھ بچے انگلش میڈیم سکول جاتے ہیں جبکہ 3 کروڑ بچے اردو میڈیم میں جاتے ہیں اور 20 سے 22 لاکھ بچے دینی مدارس میں زیر تعلیم ہے لیکن یہ لمحہ فکریہ ہے کہ ملک بھر میں اچھی نوکریوں کے مواقع صرف ان 8 لاکھ بچوں کو ملتے ہیں جو انگلش میڈیا جاتے ہیں۔ پاکستان کو اگر ٹھیک کرنا ہے تو اس کیلئے تعلیم، صحت اور ٹیکس کا نظام ٹھیک کرنا ہو گا، امیروں سے ٹیکس لے کر غریبوں پر خرچ کرنا ہو گا پھر ہی پاکستان میں خوشحالی آ سکے گی۔

Read more »

Reham Khan Opened a new Pandora's box Against Imran Khan

عمران خان کی ایک حرکت جو کسی صورت قابل قبول نہیں تھی،’ریحام خان نے نیا پنڈورا باکس کھول دیا‘

حام خان کا سنڈے ٹائمز کو دیئے جانے والے انٹرویو  اس وقت میڈیا میں موضوع بحث بنا ہواہے ،اس انٹرویو کے دوران ریحام خان سے عمران خان سے طلاق کی وجہ پوچھی گئی تو ان کا عام طور پر جھگڑا اس وجہ سے ہوتا تھا کہ عوام میں ہر طرف سے انہیں نشانہ بنایا ۔

برطانوی جریدے دی سنڈے ٹائمز کے مطابق ریحام خان سے عمران خان کے ساتھ جھگڑوں کے بارے میں پوچھا گیا تو ان کا کہناتھا کہ عام طور پر اس کی وجہ یہ ہوتی تھی کہ ہر طرف سے انہیں عوام میں نشانہ بنایا جاتاتھا ،درمیان میں دو تین مہینے کوئی خاص لڑائی نہیں ہوئی لیکن پھر آخر ی ماہ میں شدید بحث و تکرار ہوئی اور ریحام خان نے فیصلہ کیا کہ اب مزید گزارا نہیں ہوسکتا ،اس پر برطانوی صحافی نے سوال کیا کہ ایسی کیا بات تھی کہ اتنی شدید لڑائی ہوگئی ،جس پر ریحام خان نے ذراتوقف سے جواب دیا ،’بہت ذاتی معاملہ ہے اور وہ اس پر بات نہیں کرنا چاہتیں ‘۔برطانوی صحافی کے مطابق وہ بار بار سوال کرتی رہیں لیکن ریحام خان بس دکھی آنکھوں کے ساتھ انہیں دیکھتی رہیں ۔اس سے معلوم پڑا کہ وہ اس موضوع پر مزید کسی بات کا جواب نہیں دیں گی۔

پاکستان تحریک انصاف کے چیئرمین عمران خان کی سابق اہلیہ ریحام خان کی جانب سے اس انکشاف کے بعد نئی بحث چھڑ چکی ہے کہ آخر عمران خان نے ایسا کیا کیا جو ریحام خان کے لیے کسی صورت قابل برداشت نہیں تھا۔

 Reham Khan Opened a new Pandora's box Against Imran Khan

Read more »

Paris , Belgium and Central American country of Honduras 8 Pakistanis Detained

پیرس ، بیلجئیم اوروسط امریکی ملک ہونڈراس میں8 پاکستانیوں کو حراست میں لیا گیا

 پیرس میں پیش آنے والے دہشت گردی کے واقعات کے بعد بیلجئیم اوروسط امریکی ملک ہونڈراس میں 8 پاکستانیوں کو حراست میں لیا گیا ہے۔برطانوی میڈیا کے مطابق پیرس کے بعد بیلجئیم کے دارالحکومت برسلزمیں دہشت گردی کے خدشات کے باعث سیکیورٹی انتہائی سخت ہے۔ شہرکی سڑکوں پرفوج کے دستے گشت کررہے ہیں اورمبینہ دہشت گرد صالح عبدالسلام کی تلاش شروع کر دی گئی ۔

بیلجئیم کے انسداد دہشت گردی یونٹ نے برسلز کے نواحی علاقے کے ایک پیٹرول پمپس پر موجود 3 ایمبولینسوں میں موجود 6 افراد کو حراست میں لےکرانہیں متعلقہ پولیس اسٹیشن منتقل کیا گیا جہاں ان کے فنگر پرنٹس لئے گئے جس سے پتا چلا کہ حراست میں لئے گئے 6 افراد پاکستانی نڑاد برطانوی شہری ہیں۔پولیس کے مطابق حراست میں لئے گئے افراد مقامی زبان نہیں جانتے لیکن اس کے باوجود وہ ان سے مکمل تعاون کررہے ہیں ۔

دوسری جانب وسط امریکی ملک ہونڈراس کی سرحد پر تعینات سیکیورٹی حکام نے ملک میں داخل ہونے والے 3 افراد کو حراست میں لے لیا۔ مقامی حکام کا کہنا ہے کہ تینوں افراد قانونی دستاویزات کے بغیر ملک میں داخل ہوئے تھے۔ گرفتار کئے گئے افراد میں 2 پاکستانی شہریت کے حامل ہیں جب کہ ایک شامی ہے۔

Read more »

Reham Khan Step toward Dr Ijaz her Ex Husband

،ریحام خان کے رشتے داروں کا ڈاکٹر اعجاز سے صلح کرنے کا مشورہ

ریحام خان اور انکے سابق شوہر ڈاکڑ عجاز کے درمیان نئی پیدا ہونیوالی کشیدگی میں بڑابریک تھرو ہوا ہے۔میڈیا رپورٹ کے مطابق ریحام کے رشتے داروں نے ڈاکٹر اعجاز کیخلاف قانونی نوٹس واپس لےنے کا مشورہ دیا ہے۔ اور اس تنازع میں صلح کرنے کا کہا ہے۔ا س سلسلے میں ریحام خان نے ڈاکٹر اعجاز کے وکیل سے رابطہ کرکے انہیں نوٹس واپس لینے کی درخواست کی ہے اور ڈاکٹر اعجاز کے وکیل بیرسٹر راشد نے بھی ریحام خان کی طرف سے رابطہ کرنے کی تصدیق کی ہے۔یاد رہے گزشتہ دنوں ریحام خان نے الزام لگایا تھا کہ ان کا عمران خان سے رشتہ سابق شوہر ڈاکٹر اعجاز کی وجہ سے ٹوٹا ہے کیونکہ انہوں نے شادی کے بعد انہیں بدنام کرنے کی مہم چلائی تھی،ریحام نے قانونی نوٹس بھیجتے ہوئے ڈاکٹر اعجاز سے معافی مانگنے کا مطالبہ کیا تھا ورنہ دو ملین پونڈ ہرجانے ادا کرنے کا کہا گیا تھا جس کے لئے ریحام نے کیس دائر کرنے کی تیاری مکمل کرلی تھی لیکن دوسری طرف ڈاکٹر اعجاز نے بھی ریحام کو نوٹس بھیج دیا تھا۔اس کشیدگی میں ریحام کے رشتے داروں نے معاملات کو ختم کرنے کا مشورہ دیا ہے۔

Read more »