Preparation of the Third World War ? Russia also extremely dangerous step ...

تیسری عالمی جنگ کی تیاری؟ روس نے انتہائی خطرناک قدم ...

Preparation of the Third World War ? Russia also extremely dangerous step ...

 بحیرو روم کے خطے میں نیٹو افواج کی حالیہ سرگرمیوں کے جواب میں روس بھی میدان میں نکل آیا ہے، اور اس تشویشناک صورتحال کو بعض ماہرین تیسری عالمی جنگ کا پیش خیمہ قرار دے رہے ہیں۔
روسی اخبار ’نووائیا گزیٹا‘ کا کہنا ہے کہ مغربی طاقتوں کے ساتھ براہ راست اور کھلی جنگ کے منظر نامے کو سامنے رکھتے ہوئے روس جنگی مشقیں کر رہا ہے۔ ان مشقوں کو بحیرہ اسود میں نیٹو کی جنگی مشقوں کا جواب قرار دیا جارہا ہے، جو کہ روس کی کرائمیا میں مداخلت کے بعد یوکرین کی حمایت میں کی گئی تھیں۔

مزید جانئے: وہ وقت جب امریکہ نے یورپی ملک پر 4 ایٹم بم گرادئیے، تباہی سے کیسے بچ گیا؟ انتہائی حیران کن حقائق جانئے 
نیٹو ممالک کے خلاف روس نے اپنی عسکری طاقت کو میدان میں صف آراءکرنا شروع کردیا ہے اور اخبار ڈیلی سٹار کے مطابق بحیرہ اسود میں ناصرف روسی جنگی جہاز پہنچ رہے ہیں بلکہ ہزاروں کلومیٹر تک مار کرنے والے میزائل بھی نصب کئے جارہے ہیں۔ اخبار کے مطابق صرف گزشتہ ایک سال کے دوران بحیرہ اسود میں روس نے 15 مزید جنگی بحری جہاز پہنچائے ہیں۔ ان میں دو میزائل کیریئر اور دو آبدوزیں بھی شامل ہیں جن پر جدید ترین کروز میزائل نصب ہیں، جو کہ 1800 میل تک مار کرسکتے ہیں۔
اخبار کے مطابق امریکی بحریہ بھی شام کے سمندر میں موجود روسی بحری جہازوں کے خطرے سے نمٹنے کے لئے بحیرہ روم میں اپنی موجودگی بڑھاسکتی ہے۔
یہاں یہ بات بھی قابل ذکر ہے کہ روس اپنے جنگی بحری جہازوں سے داغے گئے میزائلوں کے ساتھ ہزاروں میل کی دوری پر شام میں داعش کے ٹھکانوں کو نشانہ بناکر اپنی طاقت کا مظاہرہ پہلے ہی کرچکا ہے۔

Read more »

Two suicide attackers could Not Blast them self in University Charsadda

چارسدہ یونیورسٹی حملہ ، دو خودکش حملہ آور اپنے آپ کو اڑانہ سکے

Two suicide attackers could Not Blast  them self in University Charsadda Pakistan

ڈی آئی جی سعیدوزیرخان نے انکشاف کیاہے کہ دودہشتگردوں کی لاشوں کیساتھ موجود خود کش جیکٹس پھٹ نہ سکیں جس کی وجہ سے بڑی تباہی ٹل گئی ۔ 

جیونیوز کے مطابق سعید وزیرخان نے بتایاکہ شہید ہونیوالوں میں چوکیدار اور سیکیورٹی گارڈ بھی شامل ہے ، عمارت کے اندر فوج اور باہر پولیس موجود ہے ، فوج نے ہاسٹل کینٹین سے 48طلباءجبکہ کمروں سے 14طلباءکو ریسکیو کیاگیا۔ اُنہوں نے بتایاکہ پولیس کے دوسب انسپکٹر بروقت حملہ آوروں کے پیچھے عمارت میں داخل ہوگئے ، چار حملہ آور مارے جاچکے ہیں جن میں سے دوکی لاشوں کیساتھ خودکش جیکٹ بھی موجود تھے لیکن مہلت نہ ملنے کی وجہ سے وہ خود کو اڑانہیں سکے ۔

Read more »

PTI Ticket Hold Cut off the hands of Poor Young Employee

انسان نے ہی انسانیت کو شرمادیا، بغیر اجرت مزدوری سے انکارپر پی ٹی آئی کے ٹکٹ ہولڈ رنے غریب نوجوان کے دونوں ہاتھ کاٹ ڈالے

PTI  Ticket Hold  Cut off the hands of Poor Young Employee 

انسان نے ہی انسانیت کو شرمادیا، پی ٹی آئی کے شکست خوردہ ٹکٹ ہولڈر نے مفت مزدوری کرنے سے انکار پر 16سالہ غریب نوجوان کے دونوں ہاتھ کاٹ دیئے اور تین ماہ تک قید کیے رکھا، بیٹے کو ملنے جانیوالے باپ کو بھی باندھ لیا لیکن موقع پا کر دونوں فرار ہونے میں کامیاب ہوگئے تاہم بااثر ملزمان کے ڈر کی وجہ سے پولیس کو رپورٹ کرنے سے بھی گریزاں ہیں ، ڈی پی او شیخوپورہ نے قانونی کارروائی کیلئے پولیس پارٹی متاثرین کے گھر بھجوادی ۔ 
دنیا نیوز کے مطابق حافظ آباد کے نواحی گاﺅں بچھوکی کے سابق یوسی ناظم اور پی ٹی آئی کے شکست خوردہ امیدوار برائے یوسی چیئرمین رانااسرار کے ہاں مانانوالہ کے رہائشی ابوبکر نے بغیر اجرت کام کرنے سے انکار کردیا اور چھوڑ کر گھر آگیا، ملزمان زبردستی ابوبکر کو اپنے ساتھ لے گئے لیکن کچھ عرصہ معاملہ افہام و تفہیم سے چلنے کے بعد ایک مرتبہ پھر ابوبکر نے کام سے انکار کیا تو رانا اسرار اور اس کے ساتھی آپے سے باہر ہوگئے اور انا کا مسئلہ بنا کر ابوبکر کے دونوں ہاتھ چارے والی مشین میں ڈال کرکاٹ ڈالے تاکہ یہاں نہیں تو پھر کہیں بھی کام کے قابل نہ رہے ۔ ابوبکر کے دونوں ہاتھوں سے محروم ہوجانے کے بعد نجی کلینک اور ڈاکٹر کو ڈیرے پر بلایاجاتارہاجہاں مرہم پٹی ہوتی رہی ، کچھ عرصہ بعد جب ابوبکر کا والد صدیق ملنے گیاتو معاملہ سامنے آیا، ملزمان نے دونوں کو ہی قید کرلیا تاہم موقع پر دونوں فرار ہوکر اپنے گاﺅں پہنچ گئے ۔ صدیق نے وزیراعلیٰ پنجاب اور وزیراعظم سے اپیل کی ہے کہ ان کی داد رسی کی جائے ۔ 
رپورٹ کے مطابق ملزمان کے خوف کی وجہ سے متاثرین کہیں بھی نہیں جاپارہے کہ کسی قانونی کارروائی کی کوشش میں جان ہی نہ چلی جائے کیونکہ پہلے بھی وہ مانانوالہ سے ہی اٹھا کر لے جاچکے ہیں ۔ ڈی پی او شیخوپورہ سہیل احمد چٹھہ نے بتایاکہ تاحال کوئی قانونی کارروائی عمل میں نہیں لائی جاسکی تاہم پولیس کی ٹیم متاثرہ فیملی کے گھر بھجوادی ہے ۔ 
بعدزاں وزیراعلیٰ پنجاب نے اس خبر کا نوٹس لیتے ہوئے متعلقہ حکام کو قانون کے مطابق ضروری کارروائی عمل میں لانے کی ہدایت کردی ۔

Read more »

Excellent News for Expat of Major Arab Country Employees

بڑے عرب ملک سے غیر ملکی ملازمین کیلئے شاندار خوشخبری آگئی، بڑی پابندی اُٹھالی گئی 

       

دبئی( مانیٹرنگ ڈیسک) دبئی میں کام کرنے والے تارکین وطن کے لیے خوشخبری ہے کہ اب انہیں ایک ملازمت دہندہ کی ملازمت چھوڑنے کے بعد دوسری نوکری شروع کرنے کے لیے 6ماہ کا انتظار نہیں کرنا پڑے گا۔ اس سے قبل دبئی میں ایک قانون تھا جس کے تحت تارکین وطن پر پہلی نوکری چھوڑنے کی صورت میں 6ماہ کے لیے پابندی عائد ہو جاتی تھی اور وہ 6ماہ کے بعد ہی دوسری نوکری حاصل کر پاتے تھے۔ مگر اب متحدہ عرب امارات کی وزارت محنت نے اس قانون میں ترمیم کر دی ہے۔ جس کے تحت اگر کوئی غیرملکی شخص ملازمت دہندہ کی رضامندی کے ساتھ پہلی نوکری چھوڑتا ہے تو اسے فوری طور پر دوسری نوکری کی اجازت ہو گی۔ یہ قانون جنوری 2016ء سے نافذ العمل ہو گا۔

عربی اخبار ’’البیان‘‘ کی رپورٹ کے مطابق سابق قانون کے تحت تارکین وطن کے لیے پہلے ملازمت دہندہ کے ہاں کم از کم 2سال تک نوکری کرنا بھی لازمی تھا۔ اگر کوئی شخص 2سال پورے ہونے سے پہلے ہی نوکری چھوڑ دیتا تو اسے متحدہ عرب امارات میں دوبارہ نوکری نہیں دی جاتی تھی۔ نئے قانون میں اس پابندی کا بھی خاتمہ کر دیا گیا ہے۔تاہم وزارت محنت کی طرف سے وضاحت کی گئی ہے کہ درجہ چہارم اور پنجم کے ملازمین اگر پہلی نوکری 6ماہ تک نہیں کرتے تو ان پر یہ پابندی برقرار رہے گی۔ اگر وہ 6ماہ کے بعد پہلی نوکری چھوڑتے ہیں تو انہیں بھی فوری طور پر دوسری نوکری حاصل کرنے کی اجازت ہو گی۔ وزارت محنت کے اسسٹنٹ انڈر سیکرٹری حمید راشد بن دیماس الصویدی کا کہنا تھا کہ جو ملازم اپنے پہلے ملازمت دہندہ کے ساتھ کیا گیا معاہدہ باہمی رضامندی سے منسوخ کرتے ہیں وہ اب فوری طور پر نئی نوکری حاصل کر سکیں گے۔نئے قانون کے تحت تارکین وطن کو فوری طور پر نئے ورک پرمٹ جاری کر دیئے جائیں گے۔

Read more »

بھارتی وزیراعظم نریندرمودی کو مختصر دورہ پاکستان کے موقع پر  کیا  پیش کیا گیا

  وزیراعظم نوازشریف تو ویسے ہی کھانوں کے کافی شوقین ہیں اور یہ کیسے ہو سکتاہے کہ وہ بھارتی وزیراعظم کے سرپرائز دورے پر ان کے پسندیدہ اور لذیز کھانوں سے تواضع نہ کرتے ،بھارتی میڈیا نے اس حوالے سے کہاہے کہ نریندر مودی کو ان کے مختصر دورہ پاکستان پر ان کے پسندیدہ کھانا بھی پیش کیا گیا ۔

تفصیلات کے مطابق بھارتی اخبار ’ٹائمز آف انڈیا ‘کا کہناہے کہ وزیراعظم نوازشریف نے بھارتی وزیراعظم نریندرمودی کے کی آمد پر دیگر لذیز کھانوں کے ساتھ ساتھ مودی کو انتہائی دلعزیز اور پسندیدہ ’ساگ ‘بھی پیش کیا گیا۔بھارتی اخبار نے جاتی امراءکے ذرائع کے حوالے سے کہاہے کہ کھانے میں ،ساگ،دال،سبزیاں دیسی گھی کے تڑکے ساتھ بنائی گئیں جبکہ سردی کے موسم کا خیال رکھتے ہوئے کشمیری چائے بھی پیش کی گئی۔مودی کے ہمراہ صرف 11لوگوں کو ہی ویزافراہم کیا گیا جبکہ باقی 100افراد پر مشتمل وفد کو لاہور ایئرپورٹ پر ہی ٹھہرایا گیا اور ان کیلئے ایئرپورٹ پر ہی کھانے کا انتظام کیا گیا ۔

Read more »

Pakistan 's 7 ' Hunted houses

پاکستان کے وہ 7’آسیب زدہ‘ مقامات جن کے بارے میں مشہور کہانیاں سن کر کسی کے بھی رونگٹے کھڑے ہوجائیں

یوں تو پاکستان میں ہزاروں ایسے مقامات ہوں گے جنہیں آسیب زدہ کہا جاتا ہے لیکن ان سب میں سے 7مقامات ایسے آسیب زدہ ہیں جن کے متعلق خوفناک کہانیاں مشہور ہیں اور لوگ رات کے وقت ان مقامات پر جانے سے ڈرتے ہیں۔ آئیے آپ کو ان سات مقامات کے متعلق آگاہ کرتے ہیں۔
کارساز روڈ کراچی
کارساز روڈ کراچی کی معروف ترین سڑکوں میں شمار ہوتی ہے۔ اس سڑک کے بارے میں قدیم وقتوں سے آج تک ایک کہانی بیان کی جاتی ہے کہ اکثر اس روڈ پر ایک پراسرار لڑکی کو دیکھا جاتا ہے جو دلہن بنی ہوئی ہوتی ہے اور اس نے سرخ لباس پہن رکھا ہوتا ہے۔لوگوں کا کہناہے 60 کی دہائی میں یہ خاتون ایک ڈانسر تھی جسے قتل کر کے اس کی لاش کو اس سڑک پر چھوڑ دیا گیا جو کہ کارساز کے نام سے مشہور ہے۔جو کہ یہاں سے گزرنے والوں کو مدد کیلئے رکنے کو کہتی ہے اور اچانک غائب ہو جاتی ہے جبکہ اکثر لوگ اسے یہاں رات کے وقت بھٹکتے ہوئے دیکھ چکے ہیں

موہٹہ پیلیس

موہٹہ پیلیس ایک کاروباری شخصیت کا گھر تھا جہاں وہ گرمیوں میں قیام کرتا تھا۔برطانوی راج کے دوران ہی اس شخصیت کا انتقال ہو گیا تھا۔ کہا جاتا ہے کہ تب سے اس کی روح اکثر اس پیلیس میں آتی رہتی ہے۔ یہاں سیاحوں کی رہنمائی کرنے والے گائیڈز کا مبینہ طور پر کہنا ہے کہ اس پیلیس میں مختلف چیزیں خود بخود ایک جگہ سے دوسری جگہ منتقل ہوتی رہتی ہیں۔پیلیس کے گارڈز کا دعویٰ ہے کہ انہیں رات کے وقت پیلیس میں کسی روح کی موجودگی کا احساس ہوتا ہے۔

کوہ چلتن
کوہ ”چلتن“ کا اصل نام ”چہل تن“ ہے جس کے معنی ”چالیس جسم“ کے ہیں۔ایک مقامی داستان کے مطابق کوہ چلتن کے چوٹی پر 40بچوں کی روحیں رہتی ہیں۔

ہاﺅس نمبر 39کے، پی ای سی ایچ ایس کالونی، کراچی
اگر آپ کبھی پی ای سی ایچ ایس کے بلاک 6کی گلیوں میں گھومتے رہے ہوں تو آپ نے دیکھا ہو گا کہ وہاں کے ہاﺅس نمبر 39Kسے پراسرار روشنی آ رہی ہوتی ہے۔ اس کا مطلب ہے کہ وہاں کوئی رہائش پذیر ہے، حالانکہ یہ گھر کئی عشروں سے بند پڑا ہے۔ کئی لوگوں کا کہنا ہے کہ انہوں نے اس گھر میں سفید لباس پہنے ہوئے ایک کمزور سی خاتون کو اکثر دیکھا ہے جو رات کے پچھلے پہر گلی میں چلتی نظر آتی ہے مگر صبح 3بجے کے قریب غائب ہو جاتی ہے۔

شیخوپورہ قلعہ، لاہور
ایک وقت تھا کہ اس قلعے میں ملکہ اور شہزادیاں رہا کرتی تھیں۔ اب یہ قلعہ ٹوٹ پھوٹ کا شکار ہے اور کوئی اس کی تعمیرنو کرنے کو تیار نہیں کیونکہ ان لوگوں کا خیال ہے کہ قلعے میں اب بھی ان ملکہ اور شہزادیوں کی روحیں آتی رہتی ہیں۔

شمشان گھاٹ، حیدرآباد
حیدرآباد میں واقع شمشان گھاٹ، جہاں ہندو اپنے انتقال کر جانے والے لوگوں کی چتائیں جلاتے ہیں، اس کے بارے میں دعویٰ کیا جاتا ہے کہ جن لوگوں کو یہاں جلایا جاتا رہا ہے ان میں سے بعض کی روحیں اب بھی یہیں بھٹکتی پھر رہی ہیں۔ یہ شمشان گھاٹ تقریباً اڑھائی سو سال پرانی ہے۔ شمشان گھاٹ کے گارڈ اور دیگر سٹاف کا کہنا ہے کہ غروب آفتاب کے بعد اکثر یہاں کئی بچے کھیلنے کے لیے آتے ہیں اور عجیب و غریب قسم کی آوازیں نکالتے ہیں۔ان میں سے کسی کو بھی کبھی گیٹ سے آتے ہوئے نہیں دیکھا گیا۔ بچے جہاں کھیلتے ہیں وہیں نمودار ہوتے ہیں اور پھر وہیں غائب ہو جاتے ہیں۔

چوکنڈی قبرستان ، کراچی
چوکنڈی قبرستان کراچی میں نیشنل ہائی وے کے کنارے موجود ہے۔ یہ لگ بھگ 600سال پرانا ہے اور اس کا شمار پاکستان کے قدیم ترین قبرستانوں میں ہوتا ہے۔ اس کے متعلق کہا جاتا ہے یہاں آسیب کا سایہ ہے اور روحیں اکثر یہاں بھٹکتی رہتی ہیں۔ اس لیے کوئی بھی شخص شام کے بعد اس قبرستان میں جانے کی جرا¿ت نہیں کرتا۔ کئی لوگوں کا کہنا ہے کہ انہوں نے رات کے اوقات میں یہاں پراسرار کام ہوتے رہتے ہیں۔ قریب رہنے والے لوگوں کا کہنا ہے کہ انہیں اکثر رات کے وقت قبرستان سے لوگوں کے چیخنے چلانے کی آوازیں آتی ہیں اور کئی لوگوں نے یہاںبھوت دیکھ بھی رکھے ہیں۔

http://newsadiction.blogspot.com/2015/12/celebrity-plastic-surgery-gone-worst.html

Read more »

Brave Kashmiri - Unknown scarifies

Brave Kashmiri - Unknown scarifies

History of Kashmir and Kashmiri Sacrifices , where in 1931 , Dogra Raj Killed 22 innocent Kashmiris just raising   the name of Allah for Azan at Namaz e Zhoar .

Read more »