لیاری گینگ وار کا سرغنہ عزیر بلوچ رینجرز نے گرفتار کرلیا
Rangers Arrested Lyari Gang War Leader Uzar Baloch
لیاری گینگ وار کےمرکزی کردار عزیر جان بلوچ کو رینجرز سندھ نے کراچی میں داخل ہوتے ہوئے گرفتار کرلیا ہے۔ 
تفصیلات کے مطابق ترجمان رینجرز کا کہنا ہے کہ خفیہ اطلاع پر ایک کارروائی کے دوران عزیر بلوچ کوجمعہ اور ہفتہ کی درمیانی شب کراچی کے مضافاتی علاقے سے حراست میں لیا گیا جب وہ کراچی میں داخل ہونے کی کوشش میں تھا ۔ رینجرز نے گرفتاری کی خبر میڈیا پر آنے سے پہلے ہی ملزم سے تفتیش کا عمل شروع کردیا تھا جبکہ امکان ظاہر کیا جارہا ہے کہ ملزم کو آج ہی انسداد دہشتگردی کی عدالت میں پیش کردیا جائے گا جہاں سے اس کا 90 روزہ ریمانڈ حاصل کیا جائے گا۔
واضح رہے کہ عزیر بلوچ لیاری گینگ وار کا مرکزی کردار ہے اور اس پر کراچی کے علاقے لیاری کے مختلف تھانوں میں قتل، اقدام قتل اور بھتہ خوری سمیت 50 سے زائد مقدمات درج ہیں۔عزیر بلوچ 2013 میں حکومت کی جانب سے ٹارگٹ کلرز اور جرائم پیشہ افراد کے خلاف آپریشن شروع ہونے پر بیرون ملک فرار ہوا تھااوروہ ایران کے راستے مسقط اوردبئی جاکر کاروبار کی نگرانی کرتا رہا ہے۔کچھ عرصہ قبل بھی خبریں آئی تھیں کہ عزیر جان بلوچ کو دبئی میں حراست میں لے لیا گیا ہے۔
Post a Comment