کراچی کے مختلف علاقوں میں زلزلے کے جھٹکے
کراچی کے مختلف علاقوں میں زلزلے کے جھٹکے محسوس کیے گئے ہیں۔ نجی ٹی وی کی جانب سے موصول ہونے والی اطلاعات کے مطابق کراچی کے علاقہ حیدری اور گردو نواح میں زلزلے کے جھٹکے محسوس کیے گئے ہیں. زلزلے کے جھٹکے محسوس ہوتے ہی علاقہ مکین خوف زدہ ہوکر اپنے گھروں اور دفاتر سے باہر نکل آئے اور کلمہ طیبہ کا ورد کرنے لگے. زلزلے کے بعد سے لوگوں میں خوف و ہراس کی شدید لہر دوڑ گئی ہے. محکمہ موسمیات کی جانب سے بھی بتایا گیا ہے کہ سمندر میں بھی زلزلے کے جھٹکے آئے ہیں جن کی شدت ریکٹراسکیل پر 2.0ریکارڈ کی گئی ہے۔ تاہم زمینی علاقے میں آنے والے زلزلے کی شدت تاحال ریکٹر اسکیل پر معلوم نہیں ہو سکی۔
Post a Comment