گوری خان نے شاہ رخ خان کا ایک اور راز آشکار کر دیا

بولی ووڈسپر سٹار شاہ رخ خان کی اہلیہ گوری خان نے حال ہی میں اپنے ملٹی ٹیلنٹڈ شوہر کی شخصیت کے ایک اور راز سے پردہ اٹھا دیا ہے ۔
گوری خان نے ایک بھارتی خبر رساں ادارے کو دیئے خصوصی انٹرویو کے دوران بتایا کہ انکے شوہر بہترین اداکار ہونے کیساتھ بہت اچھے انٹیریئر ڈیزائنر بھی ہیں ۔
گوری خان جو بذات خود بھی انٹیریئرڈیزائنر نے بتایا کہ شاہ رخ خان اکثر اوقات اپنے گھر منت کی سجاوٹ میں حصہ لیتے ہیں ۔
انکا کہنا تھا کہ ہوم ڈیکوریشن میں شاہ رخ خان کا ذوق بہت اعلیٰ ہے۔ انھوں نے بتایا کہ سپر سٹار نے حال ہی میں گھر کا ایک حصہ خود سجایا ہے جو دیکھنے لائق ہے۔ شاہ رخ خان کی نئی آنے والی فلم دل والے کے متعلق گوری خان کا کہنا تھا کہ انھیں یقین ہے یہ فلم کامیابی سے ہمکنار ہو گی۔
گوری خان نے بتایاکہ انکا چھوٹا بیٹا ابرام خان والد کی فلم دیکھ کر بے حد خوشی کا اظہار کرتا اور تالیاں بجاتا ہے۔ پس انھیں یقین ہے کہ جب انکے بیٹے کو فلم پسند ہے تو عوام کو ضرور پسند آئے گی۔