ممتازقادری کو قانون ہاتھ میں لینے پر

کوئی قانون سے بالاتر نہیں، ممتازقادری کو قانون ہاتھ میں لینے پر سزادی گئی: مولانامحمد شیرانی

اسلامی نظریاتی کونسل کے چیئرمین مولانا محمد شیرانی نے کہاہے کہ سابق گورنر پنجاب کے قاتل ممتازقادری کو قانون اپنے ہاتھ میں لینے پر سزاسنائی گئی ، کوئی بھی قانون سے بالاترنہیں ۔ 
ایکسپریس ٹربیون کے مطابق شرقپور میں صحافیوں سے گفتگوکرتے ہوئے مولانا شیرانی نے کہاکہ کچھ مذہبی عناصر نے ممتازقادری کو سلمان تاثیر کے قتل پر اکسایا، قتل غیرقانونی تھا کیونکہ ممتاز قادری نے قانون اپنے ہاتھ میں لیا۔ 
اُنہوں نے مزیدکہاکہ وہ ممتازقادری کے مذہبی جذبات کی قدر کرتے ہیں لیکن اس سے زیادہ پاکستان کے آئین کا احترام کرتے ہیں ۔

روزنامہ پاکستان کی اینڈرائڈ موبائل ایپ ڈاؤن لوڈ کرنے کے لئےیہاں کلک کریں۔ ‎
ویمن پروٹیکشن بل سے متعلق بات کرتے ہوئے مولاناشیرانی کاکہناتھاکہ قرآن اور سنت رسول ﷺ کے مطابق شرعی قوانین کی موجود گی اور حاصل تمام حقوق کے بعد ایسے کسی قانون کی ضرورت نہیں ،پنجاب اسمبلی کا بل آئین کے آرٹیکل 6کی خلاف ورزی ہے اور آئین کی خلاف ورزی کرنیوالے ہر شخص کو سزا دینی چاہیے ۔

Read more »

Whats App will not Allow Access to millions of mobile uses

اگر آپ کے پاس ان ماڈلز میں سے کوئی موبائل فون ہے تو اب آپ واٹس ایپ استعمال نہیں کرسکیں گے، کمپنی نے اعلان کردیا، کروڑوں کو پریشان کردیا

Whats App will not Allow Access to millions of mobile uses 

 واٹس ایپ دنیا کی مقبول ترین چیٹنگ ایپلی کیشن ہے اور شاید ہی کوئی سمارٹ فون صارف ہو جو اسے استعمال نہ کر رہا ہو، لیکن اب بعض مخصوص موبائل فونز رکھنے والے افراد واٹس ایپ سے مزید مستفید نہیں ہو سکیں گے کیونکہ کمپنی نے ان موبائل فونز کو سپورٹ نہ کرنے کا اعلان کر دیا ہے۔ برطانوی اخبار ڈیلی سٹار کی رپورٹ کے مطابق ان موبائل فونز میں نوکیاایس 40(S 40)، نوکیا سیمبین ایس 60(Symbian S60)، ونڈوز فون7.1،اینڈرائیڈ 2.1 اور اینڈرائیڈ 2.2 آپریٹنگ سسٹم کے حامل سمارٹ فونز شامل ہیں۔اس سے بڑی خبر یہ ہے کہ اب بلیک بیری موبائل کی کسی بھی ڈیوائس بشمول بلیک بیری 10کے صارفین واٹس ایپ استعمال نہیں کر سکیں گے۔لہٰذا اگر آپ کے پاس بھی ان میں سے کوئی ایک فون ہے تو اسے فوری طور پر تبدیل کر لیں بصورت دیگر آپ کو واٹس ایپ سے ہاتھ دھونا پڑیں گے۔

مزید جانئے: صرف 15 منٹ میں موبائل کی بیٹری مکمل چارج، چارجر متعارف کرا دیا گیا 
رپورٹ کے مطابق جب واٹس ایپ کی سروس کا آغاز ہوا تھا اس وقت ایپل کے ایپ سٹور کو بھی متعارف ہوئے ابھی چند ماہ ہی ہوئے تھے اور مارکیٹ میں فروخت ہونے والے 70فیصد موبائل فونز میں نوکیا اور بلیک بیری کے آپریٹنگ سسٹم چل رہے تھے۔ اس وقت گوگل، ایپل اور مائیکروسافٹ کے آپریٹنگ سسٹم صرف 25فیصد موبائل فون میں موجود تھے۔ جبکہ اس وقت مارکیٹ میں فروخت ہونے والے 99.5فیصد موبائل فونز میں ان تینوں کمپنیوں کے سسٹم چل رہے ہیں۔کمپنی کی طرف سے جاری بیان میں کہا گیا ہے کہ ”ہم آئندہ 7سال کے حوالے سے منصوبہ بندی کر رہے ہیں اور ہم چاہتے ہیں کہ ایسے آپریٹنگ سسٹمز کو سروس فراہم کرنے پر توجہ مرکوز کریں جنہیں موبائل فون صارفین کی اکثریت استعمال کر رہی ہے۔ لہٰذا 2016ءکے اختتام پر ہم اوپر بیان کردہ موبائل فونز کے لیے واٹس ایپ کی سروس ختم کر دیں گے۔“

Read more »